ЛЕГЕНДАРНО! Никогаш до сега немал девојка, се ставил себе сѝ на билборд и сега има договорено состанок со четири жени!

23-годишен маж, кој никогаш не бил на романтичен состанок, се „рекламира“ на билборд на автопат во обид да си најде девојка.

Ед Чепмен, од Лидс, Западен Јоркс, цел живот е сингл и немал среќа со стандардните методите за наоѓање љубов, како што се апликациите за запознавање.

Тој одлучил дека е време да излезе надвор од својата комфорт зона и да користи друг начин – со тоа што се промовира на огромен билборд на „M621“ кој оди во Лидс, со надеж дека конечно ќе може да оди на својот прв состанок.
Ед, кој го изненади своето семејство со својата мисија, рече дека добил огромен број на пораки од луѓе на возраст меѓу 18 и 48 години и дека сега е зафатен со договарање на својот прв состанок.

„Стигнав до возраст кога мислам дека требало до сега да одам барем на еден состанок“, рече тој.
„Но, јас сум сингл цели 23 години и подготвен сум да најдам некој со кој се надевам дека ќе бидам во врска. Пробав неколку апликации за запознавање, но воопшто не ми одеше добро, па решив дека треба да пробам нешто поинакво и мислев дека ако имам свој билборд ќе биде добар начин за да запознаам луѓе“.

„Не мислев дека тоа ќе биде возможно затоа што неколку компании ме отфрлија додека не најдов една, „75media“, која се согласи да ми дозволи да го користам билбордот една недела“.

„Ја примив мојата прва порака истиот ден кога беше објавен билбордот и оттогаш имав неколку пораки од жени на возраст од 18 до 48 години. Тоа е прилично супер. Има четири жени со кои разговарав и сите тие сакаат да одат на состанок со мене. Со нетрпение очекувам да ги договорам моите први состаноци со нив. Тоа е навистина возбудливо и знак дека нешто позитивно доаѓа. Очигледно сум малку нервозен што ќе одам на мојот прв состанок, но треба да биде добро“.

„Билбордот е на „М621“ на пат кон Лидс и е многу поголем отколку што очекував“.

Тој рече дека жените кои биле во контакт со него мислат дека билбордот е одлична идеја и дека е смешна.

„Тие исто така мислеа дека е одлично што се ставам себеси таму и тоа е она што тие го бараат во потенцијалниот партнер“, додаде Ед.

„Би сакал врска и барам нешто долгорочно. Мислам дека за мојот прв состанок, во зависност од тоа со кого е, ќе излеземе на пијачки или можеби убава прошетка некаде – или можеби дури и малку луд голф?“