„Луѓето-крокодили“ се племе кое првпат среќава турист – а потоа тој сведочи жртвување

Даниел Пинто, кој досега посетил 138 од вкупно 195 земји, поминал три недели во Папуа Нова Гвинеја, каде што престојувал со 10 домородни племиња. По истражување и со помош на локален водич, 27-годишниот Даниел го обиколил островот во Тихиот Океан.

За време на престојот, тој учествувал во обреди со скелетното племе, луѓето-крокодили и духовните птици. Бил дел од разни церемонии, присуствувал на свадба, ловел и спиел во локални домови и гостински куќи.

Иако добил топло добредојде, Даниел признава: „Некои работи беа тешки за гледање, како жртвувањето на свињите.“

Даниел ја опишува Папуа Нова Гвинеја како „последната граница“ и вели дека било неверојатно да се посетат племиња кои никогаш порано не виделе туристи.

Тој додаде дека племињата кои ги сретнал биле многу пријателски и гостопримливи. Даниел сака да посетува земји кои другите ги сметаат за „опасни“ и истражува области што обично не ги гледаат туристите. Меѓу тие земји се Либија, Ирак и Сирија.

„Уникатно искуство“

Даниел од Ламбeт, јужен Лондон, изјави: „Папуа Нова Гвинеја е едно од последните места каде што можете да направите нешто што никој друг не го направил. Сè уште има села и племиња што не се посетени. Беше неверојатно што во 2024 година бев првиот турист што некои племиња некогаш го виделе. Тоа го прави ова место посебно и луѓето беа толку пријателски.“

Даниел пристигнал во Папуа Нова Гвинеја на почетокот на декември и три недели го истражувал островот, живеејќи со 10 различни племиња.

„Многу автентично и далечно“

„Ова место е многу сурово, многу оддалечено и се смета за опасно. Ќе ви кажат да не излегувате навечер, има многу патишта со проблеми со грабежи, па патував пет часа со чамец бидејќи патот беше премногу опасен. Најинтересниот дел од моето патување беа племињата. Престојував со 10 различни племиња за време на тие три недели. Ги искусив нивните церемонии и начини на живот, присуствував на свадба и одев на лов со нив.“

Даниел сведочел на обреди кај духовното племе на птиците, кои изведувале ритуали за заштита на светиот водопад и за прослава на раѓања.

„Престојував и со луѓето-крокодили, кои имаат неверојатни лузни на телото, добиени кога стануваат возрасни. Лузните изгледаат како кожа на крокодил. Едно од племињата целосно се соблекуваше, се покриваше со глина и ги боеше лицата во портокалово како благодарност кон Бог за раѓањата.“

„Незаборавен момент“

Најомилениот момент од патувањето му била свадбата. „Не беше планирано. Само пристигнавме и ни рекоа дека се одржува свадба. Беше прекрасно да се биде дел од тоа. Некои работи беа тешки за гледање, како жртвувањето на свињите. Но исто така беше интересно да се види – многу различно од западната култура.“

Британското Министерство за надворешни работи советува да се избегнуваат несуштински патувања во одредени делови од Папуа Нова Гвинеја.

Даниел ги споделува своите патувања на @dnzh.travels.