Луѓето останаа збунети откако се појави видео од Илон Маск и неговото однесување на вечера на имотот на Трамп

Во видеото, кое стана вирално, се гледа како Маск, кој има 53 години, си игра со вилушка и две лажици на вечера во присуство на Доналд Трамп. Настанот се одржал во Мар-а-Лаго, имотот на Трамп во Флорида, а Маск бил поканет на вечера организирана од американскиот претседател.

Маск седи покрај Трамп, кој разговара со друг човек, а до него е и Шивон Зилис, директорка во неговата компанија Neuralink и мајка на четири од неговите деца. Но, ниту Трамп ниту Зилис не изгледаат премногу фасцинирани од Масковиот „трик“ со приборот за јадење.

Во видеото, тој балансира вилушка и две лажици на врвот од прстот, што предизвика многу реакции на социјалните мрежи. Некои корисници го споредија со мало дете, а други се шегуваа дека ова е типично инженерско забавување на маса.

Маск подоцна реагираше на платформата X, потврдувајќи дека навистина балансирал „вилушка и две лажици на врвот на прстот.“ Имајќи предвид дека, според Daily Mail, секој гостин на вечерата морал да плати 1 милион долари за место на масата, некои се шегуваат дека Маск сакал да го извлече максимумот од своите пари – па дури и ако тоа значи да си игра со приборот за јадење!