Луѓето сѐ повеќе се враќаат кон користење на СТАРИ телефони, отфрлајќи ги „паметните уреди“ поради тоа што ги претвораат новите генерации во зомби

Сè поголем број луѓе ги отфрлаат своите паметни телефони за стари телефони, кои можат само да ѕвонат и испраќаат пораки. Старите уреди вртоглаво се зголемија на популарност, бидејќи минатата година во САД беа продадени 2,8 милиони, а луѓето изјавија дека се чувствуваат помирни и поприсутни во нивните обични животи со нив.

Една жена од Калифорнија изјави дека направила промена откако сфатила дека го поминува целото лето на својот паметен телефон, велејќи дека едвај се сеќава на времето – дури заборавила каде го шетала своето куче. Керолин Кадвел објасни дека префрлањето на стар телефон на почетокот било непрактично, но потоа станало ослободувачко.

Компаниите како „Dumbwireless“ ги продаваат уредите, а се поголем број организации против паметни телефони се обидуваат да ја ограничат употребата на уредите, особено кај децата. Активистите укажуваат на статистика како што е фактот дека доаѓањето на паметните телефони се чини дека се совпадна со порастот на стапките на депресија и анксиозност – кои се зголемија за повеќе од 50 проценти помеѓу 2010 и 2019 година.

Кадвел поминала 15 години работејќи во старт-ап компании со висок раст во Барселона и Сан Франциско пред да ја напушти работата поради исцрпеност – и сфатила дека проблемот е нејзиниот паметен телефон. „Ја напуштив работата затоа што бев „прегорена“ и поминав речиси три месеци како зомби“, вели таа. Таа лансираше производ наречен „Unpluq“, кој ги заклучува апликациите на паметните телефони за луѓето да ги користат помалку.

Кристина Динур исто така се префрлила на „глупавиот телефон“ откако била инспирирана од пријателка која се откажала од нејзиниот паметен телефон затоа што тоа и го одвлекувало вниманието од нејзините деца. Динур објаснува дека била инспирирана од читањето на книгата „Вознемирена генерација“ од Џонатан Хајд, која го поврзува доаѓањето на паметните телефони со зголемувањето на анксиозноста кај младите луѓе.

„Книгата ме убеди дека децата не треба да имаат паметни телефони или социјални мрежи, но „слонот во собата“ беше моја зависност од паметниот телефон“, рече таа.

Динур вели дека таа сè уште ги користи социјалните мрежи на лаптоп, но проверува само неколку пати на ден, а не постојано. Таа сега е дел од движењето во САД за детство без паметни телефони и се грижи нејзините деца, на возраст од три и пет години, да не растат со нездрави дигитални навики.