„Магионичарот“ Дејвид Гета ја збуни публиката реплицирајќи го гласот на Еминем со помош на вештачка интелигенција: „Тоа е иднината на музиката!“

Дејвид Гета ја става темата за вештачката интелигенција на прв план откако докажа колку добро новата технологија функционира во реплицирањето на гласовите на поп-уметниците.

Минатата недела, францускиот диџеј и продуцент сподели видео од него како пушта песна за време на еден од неговите сетови во која користеше вештачка интелигенција за да го додаде „гласот“ на Еминем на една од неговите песни.

„Да ве запознаам со… Емин-АИ-ем“, напиша Гета во натписот на објавата на „Твитер“. На приложеното видео, Гета се гледа како возбудува огромна толпа додека необјавената песна со реплика на гласот на Еминем одекнува: „Ова е идниот рејв звук / Станувам страшен и андерграунд“.
Во видеото беше прикажано и интервју со Гета, каде тој зборуваше за тоа како ремиксот се соединил преку користење на веб-страници кои генерираат вештачка интелигенција.

„Еминем брат, има нешто што го направив како шега и функционира толку добро – не можев да верувам!“ тој рече. „Во суштина, можете да пишувате стихови во стилот на кој било уметник што го сакате, па напишав: „напиши стих во стилот на Еминем за идниот рејв“ и отидов на друга веб-страница за вештачка интелигенција што може да го пресоздаде гласот.

Во одговорите на видеото, Гета се погрижи да појасни дека „очигледно“ нема да ја дистрибуира песната комерцијално – дебата што речиси веднаш беше предизвикана во коментарите на неговото оригинално видео.

Во текот на изминатите неколку месеци, повеќе содржини генерирани со вештачка интелигенција станаа вирални на платформи како „TikTok“. Обожавателите земаа веќе постоечки песни и користат софтвер за вештачка интелигенција за да направат да звучат како некој друг изведувач да ги пее, а гласовите на некои од најпрепознатливите уметници како Бед Бани, Аријана Гранде и Били Ајлиш се реплицираат.

Минатиот месец, страницата за генерирање музика „Drayk.it“ стана позната за нејзината способност да создава песни со вештачка интелигенција на Дрејк. Виралната платформа работеше краток временски период и повеќе не постои, најверојатно поради правните проблеми поврзани со користењето на сликата на уметникот без нивна согласност. Некои уметници веќе го изразија своето неодобрување на технологијата, иако разговорите и дебатите сè уште се развиваат.