Мајка споделува 7 куќни „правила“ што мора нејзините ќерки да ги следат: плаќање кирија од 18, вклучување локација на телефонот…

Мајка на две деца стана вирална на интернет откако ги наброја правилата што ги вовела за нејзините две ќерки на возраст од 18 и 11 години. Ѕвездата на Тик-Ток, Кет Зои Кларк од Австралија, ги детализираше правилата во едноминутно видео кое надмина повеќе од 2,9 милиони прегледи од денот на објавувањето.

Насоките спаѓаа во седум различни категории – локација, искреност, забави, спорт, училиште, дечковци и кирија.

За првото правило во врска со „локацијата“, Кат рече: „Да, мора да ја имате вашата локација вклучена. Дали ќе ја проверам? Веројатно не, освен ако не доцните“.

Потоа додаде колку искреноста е нејзината „најголема политика“ и рече: „Очекувам моите деца да бидат искрени со мене, но и јас ќе го сторам истото за нив. Ако ми постават прашање за моето минато, јас сум 100 отсто искрена и не премачкувам ништо“, рече таа.

И двете ќерки можат да одат на забави, но нивната возраст го одредува полицискиот час што е воведен.

„Општо правило е, ако сте во деветто одделение, до девет сте дома. Ако сте во 10 одделение, до 10 сте дома. Откако ќе наполните 18 години, не ми е гајле кога ќе се вратите дома“, рече Кат.

Двете ќерки на Кет исто така треба да играат спорт за да го поттикнат физичкото образование и да го ограничат „времето на екранот“ на нивните телефони.

Кога станува збор за училиштето, Кат вели дека е „опуштена“ и ги охрабрува децата сами да си го изберат патот, но им треба план. – „Навистина сум опуштена кога станува збор за училиште. Меѓутоа, ако моите деца сакаат да се откажат, мора да имаат деловен план или работа.

Во однос на партнерите, мајката рече: „Моите девојки можат да имаат момчиња, но ако имам проблем со нивното момче, тие мора да го слушаат моето мислење за нив“. А кога ќе наполнат 18 години почнуваат да плаќаат кирија или да се вработат.

Виралното видео доби мешани одговори од други корисници на Тик-Ток, бидејќи некои ја пофалија Кет, додека други не го одобрија правилото за плаќање кирија. Кое е вашето мислење? Дали е премногу сурова или во овој денешен свет се снаоѓа како родител кој не сака да „го боли глава“. Погледнете го видеото и одлучете.