Манчестер Јунајтед го откри новиот дизајн на стадионот со 100.000 места – фановите не можат да поверуваат дека е вистински

Архитектонското студио Foster + Partners, кое го предводи проектот, сподели концептуални слики од новиот „Олд Трафорд 2.0“. Сепак, реакциите на фановите се мешани – некои се воодушевени, но многумина го споредија дизајнот со непопуларни архитектонски творби и дури и со циркуска шатра.

Реакциите на фановите: „Изгледа како станица за НЛО“

Откако Манчестер Јунајтед го објави промотивното видео со слоганот „Ова е вашата иднина. Вашиот дом. Вашиот Јунајтед“, фановите на социјалните мрежи веднаш започнаа да го коментираат изгледот на новиот стадион.
Некои од најсподелуваните реакции беа:
• „Манчестер Јунајтед троши 2 милијарди фунти за дизајн на циркуска шатра – совршено се вклопува со фудбалот што го играат!“
• „Изгледа како вселенска станица за наредното панично засилување на Ратклиф!“
•„Само Манчестер Јунајтед може да дизајнира стадион што личи на забавен парк.“
Иако многумина го исмеваат изгледот, имаше и позитивни реакции. Некои го нарекоа „архитектонско ремек-дело“, а други рекоа дека „изгледа модерно и уникатно“.

Крај на една ера – но што следува?

Со преселбата во новиот 100.000-седишен стадион, завршува еден историски период – Јунајтед веќе 115 години игра на Олд Трафорд, наречен ‘Театарот на соништата’. Ова носи огромен предизвик: дали новиот стадион ќе успее да ја долови истата магија?
Ретклиф нагласи дека новиот стадион ќе биде „катализатор за социјален и економски развој“ во Манчестер. Официјалните податоци велат дека ќе се создадат 92.000 работни места и 17.000 нови домови, а проектот ќе донесе значителни инвестиции.

Поддршка од легендите и локалните власти

Неколку клучни личности дадоа поддршка за проектот. Сер Алекс Фергусон изјави: „Манчестер Јунајтед секогаш треба да тежнее кон најдоброто – на теренот и надвор од него. Олд Трафорд има многу посебни спомени за мене, но мора да бидеме храбри и да ја искористиме оваа шанса да изградиме нов дом, каде што ќе се создава нова историја“.

Градоначалникот на Голем Манчестер, Енди Барнам, исто така го поддржа проектот, споредувајќи го со Олимписката регенерација во Лондон 2012:
„Ако ова се направи како што треба, ефектите ќе бидат уште поголеми. Манчестер Јунајтед треба да има најдобар фудбалски стадион во светот – вистински симбол на традицијата, достапен за сите“.

Најголемата инвестиција во историјата на Манчестер Јунајтед

И покрај контроверзниот дизајн, нема сомнеж дека новиот стадион ќе биде најголемата инвестиција во историјата на Манчестер Јунајтед. Остатокот останува на времето – дали ќе стане модерен симбол или ќе остане запаметен како најскапата грешка?