Манекенка на мисија да пробува бизарни храни на пазарите низ Азија, ги открива двете работи што никогаш не би ги ставила во уста

Исабела Гарсија, 28-годишна моделка со тајландско-колумбиско потекло, има необична страст за дегустација на егзотични јадења. Постојано патува низ Азија, Јужна Америка и Калифорнија во потрага по најуникатните улични закуски. Досега пробала пржени отровни жаби, шкорпии, крокодилско месо и црви, но нејзината листа на необични вкусови постојано се зголемува.

„Некои луѓе сметаат дека е чудно, но обожавам да испробувам нови јадења“, вели таа. „Уличните пазари во Азија нудат неверојатен избор – на една тезга ќе најдете пилешко, а на следната шкорпии. Тоа ми беше чудно на почетокот, но решив да пробам и всушност ми се допадна. Жабата имаше вкус како пилешко. Се смета за отровна пред да се зготви, што е малку застрашувачко, но за среќа немав никакви несакани ефекти“.

Исабела пораснала во Пукет, Тајланд, но сега живее во Лос Анџелес. Таа смета дека во САД е потешко да се најдат вакви невообичаени јадења. „Храната во Америка е одлична и има голема разновидност, но не може да се најдат шкорпии на улични пазари како во Азија“, вели таа.

Нејзината мисија е да испроба што повеќе необични специјалитети, а следното патување во Азија ќе ѝ биде нова можност за откривање на уште поегзотични јадења. Сепак, таа има јасна граница кога станува збор за изборот на храна.

„Никогаш не сум била пребирлива, но не би јадела домашни миленици како кучиња и мачки. Обожавам кучиња и не можам да замислам да јадам некое. Знам дека во некои делови од Азија тоа е дел од културата, но за мене тоа е премногу“.

Исабела често ги споделува своите дегустации преку видеа на интернет, но реакциите на публиката се поделени.

„Околу 50% велат „wow, ова е храбро“, а другите 50% се згрозени и не можат да поверуваат што јадам. Но, мене не ми пречи, бидејќи барем им прикажувам нешто ново. А за оние што се заинтересирани, можеби ќе ги инспирирам да бидат похрабри со своите вкусови“.