„Ме нарекуваат педофил затоа што се омажив со другарот на син ми – тој е 25 години помлад од мене“

Мајка на седум деца предизвика контроверзии откако откри дека се омажила за најдобриот пријател на својот син, кој е 25 години помлад од неа.

Ејми Спаркс, 46-годишна жена од Мичиген, го запознала својот сопруг Брајс, кој има 21 година, преку својот син Ајдин, исто така 21. И покрај љубовта која ја делат, нивната врска е предмет на остри критики од семејството, пријателите и јавноста.

Ејми објасни дека Брајс и Ајдин се запознале кога имале по 13 години, но таа го сретнала Брајс дури кога имал 17. Брајс веднаш почувствувал привлекување кон неа и го споделил тоа со Ајдин, кој го охрабрил да ја изрази својата симпатија. Сепак, Ејми на почетокот го одбила поради големата разлика во години.

„Кога ми кажа дека му се допаѓам, бев изненадена и поласкана, но го одбив затоа што мислев дека е премлад за мене. Потребни му беа две години за да ме убеди“, објасни Ејми.

Во февруари 2022 година, тие започнале врска, а три месеци подоцна се преселиле заедно. Нивната врска била официјализирана со скромна свадба во октомври минатата година, на која присуствувале само Ајдин и уште еден сведок.

Сепак, критиките не престануваат. Ејми била обвинета дека е „педофил,“ на што таа одговори: „Ме запознаа со Брајс кога имаше 17 години. Кога ме нарекуваат педофил, не ми е непријатно, бидејќи знам дека тоа не е вистина“.

Брајс, исто така, ја брани нивната врска, велејќи дека не чувствува потреба да има свои деца и дека ја цени зрелоста на својата сопруга. „Ејми е мудра и носи логични одлуки, за разлика од помладите луѓе“, изјави тој.

И покрај критиките, Ејми и Брајс велат дека се среќни заедно и решени да го игнорираат негативниот фокус.