Местото во Англија кадешто најмалку се зборува англиски – жителите откриваат што навистина мислат за своите соседи и зошто некои критики се „неправедни“

Морнингтон Стрит во Лестер, населба Сент Метју, се издвојува со тоа што има најмал процент на жители што зборуваат англиски во цела Велика Британија. Според пописот од 2021 година, само 57% од жителите на Лестер се родени во Англија, што е намалување од 65% во 2011. Во оваа област живеат претежно муслимани со потекло од Гуџарат, Индија, но и доселеници од Бангладеш, Пакистан, Сомалија, Африка и Источна Европа.

Околу 43% од населението постаро од 16 години зборува малку или воопшто не зборува англиски. Многумина се постари луѓе што се потпираат на младите членови на семејството за комуникација. Некои, како Руки од Малави, која живее таму од 1974 година и работи во основно училиште, велат дека е жално што дел од жителите не се обидуваат да го научат јазикот, што создава проблеми во образованието и здравството.

 

Местото во Англија кадешто најмалку се зборув англиски - жителите откриваат што навистина мислат за своите соседи и зошто некои критики се „неправедни“

Јазикот е клучен за подобра интеграција

Сопственикот на пицерија, Шохел, исто така смета дека учењето англиски е клучно за подобар живот и интеграција. Сличен став има и Рибвар, сопственик на автосервис, кој доаѓа од Ирак и вели дека бракот со Англичанка му помогнал да го научи јазикот.

Иако дел од постарите жители не гледаат потреба да го учат јазикот бидејќи се опкружени со луѓе кои зборуваат на нивниот мајчин јазик, поголемиот дел од заедницата смета дека познавањето на англиски е важно.

 

Јазикот е клучен за подобра интеграција

Премиерот Киер Стармер предизвика реакции со изјавата дека доселениците треба да се интегрираат и да го научат јазикот, што некои го споредија со говорот на омраза на Енок Пауел. Локалниот лидер Мансур Могал предупреди дека вакви изјави може да поттикнат расизам и поделби. Сепак, мнозинството жители на Морнингтон Стрит се согласуваат дека познавањето на англиски е неопходно за полесно живеење и подобра интеграција.