Метеоролог спасил десетици животи предупредувајќи го населението за можните пожари во Лос Анџелес, уште пред да се случат

Смртниот биланс од пожарите во Лос Анџелес достигна 24 жртви, од кои осум се поврзани со пожарот во Палисадес, а 16 со пожарот во Итон. Двата најголеми пожари од вкупно осум уништиле околу 94 од 99 квадратни километри во областа.

Климатологот Едгар Мекгрегор, 24-годишен жител на Алтадена, издал предупредување пред почетокот на пожарите преку страницата на „Facebook“ „Altadena Weather and Climate“. На 7 јануари ги советувал жителите да бидат подготвени за евакуација. Неговото предупредување сега се смета за клучно во спасувањето на стотици животи.

Мекгрегор изјави дека веќе на 30 декември забележал знаци дека силниот ветер ќе создаде слични услови на катастрофалните пожари во Хаваи и Парадис. Неговото предупредување за можноста за уништување на илјадници домови се покажало како реално предвидување.

Покрај тоа, Мекгрегор укажал на акумулираното суво дрвје и вегетација како значителен ризик за пожар. Тој продолжува да ги информира локалните жители преку социјалните мрежи за ризиците од потенцијални идни пожари и можни свлечишта предизвикани од дождови.

Во меѓувреме, властите преземаат мерки за справување со кризата. Над 900 затвореници волонтираат за гаснење на пожарите, додека полицијата приведе лице обвинето за подметнување пожар. Компанијата „Southern California Edison“ е под истрага за можна улога во појавата на пожарите поради дефект во нивниот електричен систем.

Со уништени повеќе од 90 километри земја и илјадници домови и бизниси, пожарите продолжуваат да претставуваат сериозна закана за жителите на Лос Анџелес.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!