Милионер од Франција го оставил целото свое богатство на градот во којшто е роден – но, под само ЕДЕН услов!

Еден милионер решил целото свое богатство да го остави на неговиот роден град, но под еден услов.

Марселин Артур Ше, 95-годишник од Турет, Франција, го одлучи тоа како начин да го заштити местото каде што поминал најголем дел од својот живот. Тој изјавил дека богатството ќе биде наменето исклучиво за една цел — поддршка на постарите жители на оваа планинска заедница скриена од брегот на Француската ривиера.

Според неговиот тестамент, кој бил прочитан во општината, средствата од 2,5 милиони евра ќе бидат наменети за изградба на установа која ќе се грижи за десет лица и која треба да се отвори пред 2026 година. Ше посакал да создаде простор каде што старите жители ќе можат да најдат поддршка и да ја надминат осаменоста, со што ќе им се овозможи подобра грижа како што стареат.

Градоначалникот на Турет, Камил Буж, го изрази своето големо задоволство и благодарност за овој несебичен гест, нагласувајќи дека установата ќе биде социјална, а не профитабилна. „Можеме да се сметаме за среќни што го имаме овој придонес и да му оддадеме почит на овој жител на Турет без наследници, стоејќи и аплодирајќи во негова чест,“ изјави тој.

Многу жители ја поздравија одлуката на Ше. Марк, еден од нив, споделил: „Не ме изненадува, бидејќи тој секогаш им помагаше на другите.“ Слично, медицинска сестра по име Ана изјавила дека целта на проектот е одлична, додавајќи: „Работев со стари лица долго време, и ова е навистина добра идеја.“

Овој центар ќе служи како место за социјални средби и помош за повозрасните, претставувајќи прекрасен пример за посветеноста на Ше кон заедницата.