Мистериозни дронови над воените бази во Британија и САД: Западот повеќе се плаши од руски шпиуни отколку од вонземјани!

Британски разузнавач предупреди дека руските шпиони можат да започнат нова серија напади со дронови на воени штабови низ Обединетото Кралство, со цел да предизвикаат хаос – додека загриженоста за мистериозните НЛО се шири низ светот.

Минатиот месец, мистериозна група дронови се појави над три воздухопловни бази користени од Военото воздухопловство на САД, што предизвика итна реакција од британските трупи и полицијата.

Дроновите, познати како беспилотни воздушни возила (БПАВ), беа забележани како кружат над базите РАФ Лејкенхит и РАФ Милденхол во Сафолк, како и РАФ Фелтвел во Норфолк, неколку дена по ред, во она што извори за одбрана го опишаа како „координирана операција“.

Слични „инвазии“ на дронови во Америка

Во Њу Џерси, Америка, слични дронови кружеле над арсеналот Пикатини, база на американската армија каде се произведува и доставува муниција за Украина. Од средината на ноември, многу „дронови со големина на автомобил“ биле видени како кружат низ државата, често лебдејќи со часови. Овие дронови сега се појавиле и во Њујорк, Тексас и Оклахома.

Иако засега не е идентификувано кој стои зад овие дронови, аналитичари од САД и Велика Британија сметаат дека руската тајна служба ГРУ е главниот осомничен.

„Веројатно дело на руската ГРУ“

Филип Инграм, поранешен полковник од британското воено разузнавање, изјави дека овие инциденти ги имаат „сите карактеристики на операција на руската тајна служба ГРУ“.

„Постојат големи шанси ова да е дело на руското разузнавање. Тие се обидуваат да покажат дека можат да предизвикаат нарушувања преку вакви мали, но координирани акции“, изјави Инграм.

Тој додаде дека овие дронови може да се користат за тестирање на реакцијата и капацитетите на западните сили или, пак, за „масажа“ на егото на Путин по неуспесите во Украина.

Паралели со други инциденти

Овие инциденти следат по низа слични случаи низ светот, како саботажа на подводни интернет кабли, сајбер напади и лажни аларми за бомби на лондонски аеродроми.

Во Америка, полицијата во Њу Џерси примила извештаи за дронови над водни резервоари, електрични мрежи и воени инсталации. Според полицијата во Флорхам Парк, дроновите најчесто кружеле околу арсеналот Пикатини, каде се произведува артилериска муниција за Украина.

Руски дронови „Орлан-10“

Експерти истакнуваат дека мистериозните дронови наликуваат на руските „Орлан-10“, кои летаат во групи од три до пет дронови. Некои модели имаат оптички и термални камери, додека други можат да вршат електронско војување и пренос на податоци.

Во Њу Џерси, едно семејство пријавило дека дрон им го нарушил функционирањето на дигиталниот часовник во автомобилот.

„Ова наликува на дроновите што ги видовме во Германија, кои кружат околу бази каде се тренираат украински војници“, изјави поранешниот полициски истражувач Тим Мекмилан.

Обединетото Кралство оваа недела претстави ново оружје – високофреквентен ласер кој може да уништи дронови за неколку секунди. Ова оружје успешно било тестирано во базата Раднор во Велс.

И покрај ваквите активности, експертите предупредуваат дека овие инциденти можат да се користат како дел од поголема стратегија за саботажа, тестирање на одбраната и поттикнување несигурност.

„Постои образец кој не ветува добро“, заклучува полковник Инграм. „Иако секој инцидент изгледа изолиран, ако се случат истовремено, нивното влијание може да биде сериозно.“