Модна икона на само 12 години? Ќерката на Ким Кардашијан, Норт Вест, со сина коса и смел стил во центарот на вниманието

Малата модна дива комбинираше тексас јакна и здолниште со масивни чизми, дополнети со впечатлив ѓердан од Vivienne Westwood и Balenciaga чантичка од 7.000 долари. Наочари со транспарентна рамка, дијамантски обетки и футрола за телефон Hello Kitty го комплетираа изгледот, додека сината коса потсетува на тетката Кајли Џенер.

Ким Кардашијан не заостанува зад ќерка си – освен што избира помирни тонови: блуза со јазол која ги открива стомачните мускули, и долго здолниште.

Норт е јасна во нејзините модни вкусови – во разговор со мајка си вели дека ја сака уличната мода и 90-тите. „Ми се допаѓа Tyler, the Creator, татко ми, и јас!” Охрабрена од личниот стил на родителите, Норт почнала самата да диктира модни стандарди уште во младите години.

По престојот во Рим, Ким ги носи најмладите деца, како и децата на својата сестра Клои, на луксузно патување во Кабо Сан Лукас, Мексико со приватен авион. Секојдневието на Кардашијан повторно предизвикува внимание – од модни експерименти до семејни моменти, за кои Ким остава белешки со љубов за своите четири деца: „Мама ве сака.”