Модна икона: Ветеранот на модната писта, Наоми Кемпбел, им покажа на новите генерации манекенки како треба, откако ја предводеше толпата девојки на модната ревија на „Версаче“

Иконата на модната писта Наоми Кембел одржа лекција за својата моќ, додека одеше на модната писта на модното шоу на „Версаче“ есен/зима 2023 година во Лос Анџелес во четвртокот.

Кембел (52) – легендата на модната индустрија со кариера долга речиси пет децении – облече елегантна црна тоалета до глуждовите, со оглавник и деколте.

Нејзе ѝ се придружија многу помлади манекенки, меѓу кои Џиџи Хадид (27), Кендал Џенер (27) и Емили Ратајковски (31).
Маријакарла Босконо (42) – супермодел кој се прослави во раните 2000-ти – на ревијата исто така моделираше во разгорено здолниште.

На крајот на ревијата, дизајнерката Донатела Версаче (67) излезе на сцената за да ги прифати аплаузите и пофалбите од толпата.

Настанот привлече неверојатна толпа, вклучувајќи ги Мајли Сајрус, Парис Хилтон, Дуа Липа, Шер, Памела Андерсон, Лили Џејмс и многу повеќе.

Во интервју за списанието „People“, Наоми рече: „Има многу работи кои сѐ уште сакам да ги постигнам, но јас сум многу среќна сега во мојот живот. Сакам да бидам отворена и да споделувам работи што никогаш порано не сум ги споделила“.

Наоми се подготвува да ги подучува основите на манекенството на нов „MasterClass“.

Таа додаде: „Никогаш немаше никаков вид лекции или книги за нашиот бизнис“.

Наоми во неодамнешното интервју за британското списание „Вог“ се отвори и дека ќе стане мајка, откривајќи дека сака да ги држи вестите за нејзиното бебе во тајност што е можно подолго додека не го објави тоа како големо изненадување во објава на „Инстаграм“.

Манекенката исто така ги отфрли гласините дека нејзиното девојче било посвоено.

Таа рече: „Таа е мое биолошко дете… На една страна можам да сметам на бројот на луѓе кои знаеја дека ја раѓам. Но, таа е најголемиот благослов што некогаш можев да го замислам. Тоа е најдоброто нешто што сум го направила“.

Наоми за својата ќерка – чие име не е откриено, додаде: „Среќа што моето малечко сака да патува како мене – без лелекање по полетување или слетување. Таа е добра девојка: спие многу добро, речиси никогаш не плаче и ми велат дека е многу внимателна за своите години“.