„Мојот сосед го претвори својот двор во депонија – сега маалото смрди и мојата куќа е полна со стаорци“

Жителите на улицата Пич во Стафорд, Велика Британија, бараат акција од надлежните органи, откако соседите нивниот дом го претвориле во импровизирана депонија, полна со отпад на влезната патека. Локалците тврдат дека глетката и мирисот им ги влошуваат условите за живот, привлекуваат стаорци и предизвикуваат здравствени проблеми кај децата.

Фотографии покажуваат купишта од отпад, вклучувајќи мебел, душеци, дрвени панели и фрижидери, кои стојат таму повеќе од година. Жителите тврдат дека сопственикот на куќата го собира отпадот и го гори постојано, наместо да го носи на локалната депонија. Загрижените родители велат дека мирисот и стаорците претставуваат ризик за здравјето на нивните деца, особено што училиштето е во близина.

Една мајка тврди дека нејзиниот син, кој има астма, не можел да дише поради отпадот. Таа се обратила до градскиот совет во август минатата година, но без резултат, додавајќи дека имало пожари на локацијата секојдневно, на кои реагирале пожарникарите, но сопственикот продолжувал да ги пали штом заминат.

Локалните жители велат дека овој проблем е присутен веќе една година и дека го пријавиле повеќепати, но одговорите на властите се дека „работат на случајот”. Дури и се организирал протест од соседите кои повеќе не можат да го толерираат ова однесување. Дополнително, постојат и проблеми со непристојно однесување и гласни забави до доцна во ноќта.

Џејсон Гловер, кој управува со фирма за отстранување на отпад, изјави дека случајно бил поврзан со проблемот преку социјалните мрежи, додавајќи дека вистинскиот виновник е неговиот брат кој собира отпад и го гори.

Градскиот совет на Стафорд информираше дека преземаат правни мерки за решавање на ситуацијата, но не може да коментираат повеќе во овој момент. Полицијата, исто така, не дала коментар поради тековната легална постапка.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!