Моментот кога транс-боксерката Имане Келиф ѝ задава брутални удари на противничката – откако доби дозвола да се бори на Олимпијадата како жена и покрај тоа што беше одбиена од Светското првенство

На социјалните мрежи се појавија снимки од боксер – кому му е дозволено да се натпреварува на Олимпијадата како жена – како задава брутални удари на противничката.

Двајца боксери на кои им беше забрането да учествуваат на светските првенства затоа што се сметаа дека се биолошки машки, добија дозвола да се натпреваруваат на Олимпијадата како жени. Кавгата избувна во Париз откако се дозна дека Имане Келиф, од Алжир, и Лин Ју-Тинг, од Тајван, биле исфрлени од турнирот минатата година поради прашањата за нивниот биолошки пол.

Но, одговорните на Олимпијадата рекоа дека и двајцата ги исполнуваат критериумите за подобност и дека ќе боксуваат во текот на следните денови.

Меѓутоа, сега, снимката на која се гледа дека Келиф доминира стана вирална, бидејќи обожавателите реагираа на веста за нејзиното вклучување на Олимпијадата.

На видеото се гледа дека Келиф брутално ја удира нејзината мексиканска противничка Брианда Тамара во декември 2022 година.

Насловот на видеото им порача на фановите да ја „забележат силата на тупаницата“ што ја покажува Келиф.

По дисквалификацијата, Мексиканката Тамара го сподели нејзиното искуство.

„Нејзините удари многу ме повредија, мислам дека никогаш не сум се чувствувала така во моите 13 години како боксер. Фала му на Бога тој ден безбедно излегов од рингот и добро е што конечно сфатија“.

И Келиф и Ју-Тинг беа дисквалификувани од Светското првенство во бокс за жени во март 2023 година во Њу Делхи, откако беа наредени низа ДНК тестови поради загриженоста за полот на некои од учесниците.