Мумии боли глава: Научниците уште се мачат со познатите „вонземски мумии“ од Перу со 30% непозната ДНК, па сега ќе ги носат во САД за таму да ги анализираат други експерти

Републиканскиот конгресмен Тим Бурчет вети дека ќе собере некои од „најважните луѓе во светот“ за да ги прегледаат овие мистериозни фигури. Некои експерти тврдат дека мумиите содржат „30% непозната“ ДНК откако беа откриени во перуанската Наска минатата година.

Бурчет, кој често ја критикува тајноста на американската влада за НЛО, рече дека сака да ја започне истрагата на Универзитетот во Тенеси, Ноксвил, во неговата родна држава. Неговиот тим од научници доби грант од 500,000 долари од Министерството за правда. Зборувајќи со мексиканскиот новинар и истражувач на НЛО, Хаиме Маусан, Бурчет рече дека „радо ќе помогне“ да се најде некој што ќе ги анализира вонземските мумии.

Републиканскиот законодавец додаде: „Исто така, би сакал да вклучам луѓе кои не се поврзани со федералната влада за да ги анализираат тие тела. Ќе бараме најважни луѓе во светот, токму тука во Тенеси.“

Универзитетот во Тенеси, Ноксвил, е познат по својот врвен центар за научно проучување на човечки останки, наречен „Фарма на тела“.

Маусан претходно предложи дека мумиите можеби се „хибриди“ меѓу вонземјани и луѓе и моментално ја тужи перуанската влада за да добие дозвола да ги испрати телата во лаборатории во САД.

Вонземските мумии го збунуваат светот откако привлекоа внимание минатата година. Наводно, тие биле пронајдени од локални земјоделци во 2017 година, пред да се вклучат форензичките експерти.

Се вели дека останките имаат необични карактеристики, како големи черепи и раце со три прсти, што доведе до шпекулации и дебати за нивното потекло и автентичност.

Сепак, ниту еден од вклучените експерти никогаш не изјавил дека верува дека телата се од друга планета или дека се вонземски.