На овие момчиња им биле дадени само 2% шанси да преживеат, а тие преку еден гест ја прославија својата победа

Родителите на две момчиња, Один Фрост и Џордон Гранбери, добиле страшни вести откако нивните најмили се родиле. Лекарите им кажале дека нивните синови никогаш нема да можат да одат и ќе живеат во вегетативна состојба и шансите да ги преживеат првите години од животот се минимални и се сведуваат на 2%.

Но, веќе поминаа 18 години и тинејџерите штотуку завршија средно училиште. Парот навистина ги победи сите коефициенти и ги надмина сите очекувања. Таткото на едно од момчињата сподели фотографија каде што тие го рекреираат моментот од првиот ден во градинка со последниот ден во средно.

Момчињата се запознале кога двајцата имале само 3 години. Тие не комуницирале вербално, но веднаш развиле посебна врска која трае до денес.

Оваа недела, за време на матурата, тие ја пресоздадоа фотографијата што е направена пред 15 години. Гордите родители на Один им рекоа на медиумите дека снимките кои изгледаат скоро идентични, ги потсетуваат на тоа колку далеку дошле момчињата.

Тим, тато на Один, изјави за еден весник: „На син ми и на неговиот најдобар пријател им беше кажано дека стапката на преживување е околу 2%, дека никогаш не би чекореле, и дека би живееле во вегетативна состојба – ако успејат да доживеат до седум години. И двајцата одеа на сцена и матурираа. Бев во облаци. Бев многу горд на него.“