Најдобрите намирници против стрес, според докторите
Живееме во време кога секојдневните обврски, финансиските грижи и балансирањето меѓу работата и семејството често предизвикуваат стрес, кој негативно влијае на здравјето. Еден од најефикасните начини за негово намалување е преку исхраната.
Она што го внесуваме во организмот директно влијае врз расположението и здравјето на цревата. Балансираната цревна микрофлора помага во справување со стресот, па затоа исхраната богата со пробиотици и пребиотици е клучна за подобро ментално и физичко здравје.
Врската меѓу исхраната, стресот и здравјето на цревата
Според доктор Иан Смит, здравјето на цревата е длабоко поврзано со мозокот и нервниот систем, а со тоа и со начинот на кој телото реагира на стрес. Анксиозноста може да предизвика оштетување на цревната слузница, што доведува до хроничен стрес и поттикнување на „бори-се или бегај“ одговорот на телото. Овој циклус дополнително го влошува здравјето на цревата.
Од друга страна, доктор Рафаел Келман нагласува дека микробите во цревата не само што го регулираат расположението, туку влијаат и врз метаболизмот, имунитетот, варењето, хормоните и воспалителните процеси. Промената на исхраната кон повеќе природни, целосни намирници богати со влакна, пробиотици и здрави масти може значително да го намали нивото на стрес.
1. Јајца, јаткасти плодови и мисиркино месо
Овие намирници исто така се богати со триптофан, што го прави телото подобро опремено за создавање на серотонин.
2. Чај од камилица
Камилицата има природен смирувачки ефект и може да помогне во намалување на анксиозноста и напнатоста. Таа е една од најпознатите лековити билки во светот и е одличен избор за релаксација пред спиење.
3. Овес
Овесот содржи триптофан и магнезиум, кои помагаат за регулирање на нервниот систем. Магнезиумот е клучен за смирување на умот и подобрување на квалитетот на сонот.
4. Темно чоколадо
Темното чоколадо содржи полифеноли – антиоксиданти кои го подобруваат расположението. Важно е да се избира чоколадо со висок процент на какао, бидејќи млечното чоколадо содржи премногу шеќер, кој може негативно да влијае врз стресот и енергијата.
5. Лосос и други протеини богати со омега-3
Лососот содржи омега-3 масни киселини, кои го подобруваат здравјето на мозокот. Омега-3 се наоѓа и во други видови масна риба, како и во јаткасти плодови, семки и соја. Протеините од пилешко исто така помагаат за подобро расположение, но треба да се избегнуваат масни и обработени меса.
6. Овошја богати со растителни влакна – особено бобинки
Влакната се неопходни за добра дигестија и здрава цревна флора. Бобинките, како малини, капини и боровинки, се одличен извор на влакна и антиоксиданти. Некои бобинки, како боровинките, исто така помагаат во намалување на нивото на кортизол – хормонот на стресот.
7. Портокали
Портокалите се богати со витамин Ц, кој го намалува стресот и го поддржува имунитетот. Истражувањата покажуваат дека витаминот Ц има позитивен ефект врз нервниот систем и срцевата функција за време на стресни ситуации.
8. Леблебија (наут)
Леблебијата содржи триптофан – аминокиселина која помага во создавање на серотонин, хормонот на среќата. Истражувањата покажуваат дека недостаток на триптофан може да доведе до зголемена анксиозност. Покрај тоа, леблебијата е богата со фолна киселина и растителни влакна, кои го стабилизираат нивото на шеќер во крвта и го подобруваат расположението.
Коментирај анонимно