Најдолготрајната продавница за изнајмување ДВД во Британија опстојува успешно и по 40 години: „Netflix“ не нѝ може ништо!“

Колин Ричардс, 71-годишен сопственик на продавницата „TVL Allstar Video“ во Хаверхил, Сафок, е изненаден од постојаниот успех на неговиот бизнис, кој функционира од 1984 година. Првично, компанијата започнала со изнајмување видеокасети на други продавници, но подоцна се префрлила на изнајмување филмови.

Со колекција од околу 8,500 DVD, меѓу кои и филмот „Forrest Gump“ кој е изнајмен повеќе од 2,000 пати, продавницата останува отпорна на порастот на стриминг платформите како „Netflix“. И покрај тоа што многу видеотеки згаснаа, Колин ужива во поддршката од лојални клиенти кои продолжуваат да изнајмуваат DVD за 2 долари неделно, дури 11 години по затворањето на „Blockbuster“.

„Мислев дека ова ќе трае 5 години, но еве сме тука 4 децении. „Netflix“ и „Sky“ никогаш не беа закана за нас бидејќи веќе имавме огромна база на членови“, вели Колин.

Продавницата опстојува преку диверзификација, вклучувајќи услуги како продажба на канцелариски материјали, поправка на оштетени DVD и успешна фотокопирање и печатење. Освен тоа, таа стана место за локалната заедница, каде што луѓето редовно доаѓаат за разговор или помош со разни предизвици, особено постарите.

„Ова е повеќе од бизнис – тоа е место каде што луѓето се чувствуваат добредојдени“, објаснува Колин.

Продавницата привлекува и нова генерација клиенти, бидејќи семејствата ја претставуваат на своите деца и внуци како ретро искуство. Според Колин, изнајмувањето филмови лично создава посебен момент, додека стриминг услугите лесно може да ги одвлечат луѓето од заедничкото гледање.

Колин, иако формално пензиониран, сè уште секојдневно е дел од продавницата, која за него претставува не само бизнис туку и животна цел.