Најелегантната жена на светот: 63 годишната Шеика Моза, мајката на сегашниот емир од Катар, ќе ве остави без здив со нејзиниот стил и женственост

Таа е „јавно лице“ и сопруга на поранешниот емир на државата Катар – Шеиха Моза бинт Насер Ал-Миснед. И таа сигурно знае како да се погрижи сите очи да бидат вперени во неа.

Високата и елегантна 63-годишна дама која е втора од трите сопруги на шеикот Хамад бин Калифа Ал Тани – освои нова легија обожаватели додека присуствуваше на свадбата на престолонаследникот Хусеин од Јордан и Раџва Ал Саиф на почетокот на овој месец.

Таа носеше две модни креации од Валентино за настанот на 1-ви јуни: розов и црн мантил за церемонијата и фустан за дочекот.
И покрај тоа што е релативно непознато за многу Британци, семејството на мајката на седум деца го поседува „Shard” во Лондон, највисокиот облакодер во Европа, „Хародс” и Олимпиското село.

Нејзината држава поседува повеќе од Лондон отколку „Crown Estate”, како и италијанската модна куќа „Валентино”, која ја купи во 2012 година за 700 милиони евра.

Благодарение на нејзината модна моќ, Шеика Моза – мајката на сегашниот емир на Катар – е опишана како „една од најелегантните жени во светот“.
Во 2015 година, таа беше именувана во Меѓународната листа на најдобро облечени на „Vanity Fair”. Нејзиниот сопруг има 24 деца и две други сопруги, кои се „нејавни“.
Елеганцијата на кралското семејство дури изгледаше дека го шармира принцот Филип за време на нејзиното патување во Виндзор во октомври 2020 година.

Но, Шеика Моза – која вели дека нејзиниот стил „ја почитува традицијата“ додека е „модерна и практична“ – откри за „Фајненшл тајмс” дека нема стилист бидејќи не можела да најде некој што разбира што сака.

Таа додаде: „Тоа е мое ментално задоволство. Кога сум исцрпена, одам во мојата соблекувална и поминувам низ моите плакари и се обидувам да ги измешам работите и да ги поправам комбинациите“.
Во октомври 2010 година, британската дизајнерка Џулиен Мекдоналд го пофали стилот на Шеика Моза, велејќи дека „од Џеки О, немало прва дама со толку глобална резонанца во однос на модата“, објави „Гардијан”.

Бразилскиот дизајнер Виктор Џенк изјави за весникот „О Глобо“: „Покрај тоа што е убава жена, таа е многу мирна, зборува со смирен глас и знае што сака”.