Најголемиот антиоксиданс од Азија: Сѐ што треба да знаете за сусамот
Мали црни или бели зрнца со оревест вкус – тоа е сусамот, познат во некои земји и како сезам. На прв поглед, никој не би помислил дека овие семиња се толку корисна додавка во исхраната!
За лековитите својства на сусамот се зборува уште во 16 век п.н.е. во древноегипетскиот медицински прирачник „Папирус Еберс“. Арапското име за сусам – „сим-сим“ – е прославено преку бајката за Али-Баба и 40-те разбојници. Според една теорија, семето завршило во бајката бидејќи неговите зрнца „пукаат“ кога ќе созреат, создавајќи звук сличен на оној кога се отвора волшебна пештера.
Денес се одгледуваат сорти со бели, црни и дури и кафеави семиња. Инаку, сусамот најмногу се одгледува во Африка, Средна Азија и Индија, а најголеми потрошувачи се Јапонија и Кина.
Во тие земји сусамовото масло се користи за пржење на речиси сè! А самите семиња се ставаат во десерти, месо, тестенини, па дури и само запечени со соја сос.
Придобивките на сусамот
Сусамот содржи витамините B6, Е, А, фолна киселина, тиамин, ниацин, рибофлавин и минерали како калиум, железо, магнезиум, цинк, селен, манган и фосфор. Богат е и со омега-3 и омега-6 масни киселини. Научно е докажано дека сусамовото масло го намалува крвниот притисок благодарение на пептидите и антиоксидансот сезамол. Нови истражувања од
Кина покажуваат дека сусамот го регулира холестеролот, го штити црниот дроб и бубрезите, делува противвоспалително и може да има антиканцерогено дејство.
Сусамот дури помага и кај изложеност на зрачење. Бразилски лекари откриле дека внесот на две лажици дневно ја намалува оштетеноста на мускулите кај фудбалери. Индиски истражувачи, пак, утврдиле дека сезамолот ја штити ДНК од оштетувања предизвикани од радијација.
И по количината на калциум, сусамот се натпреварува со млекото: 100 грама семе содржат речиси цела дневна доза. Но, овој калциум се апсорбира потешко бидејќи е сврзан со оксалати и фитинска киселина.
Real superb info can be found on website. “Society produces rogues, and education makes one rogue more clever than another.” by Oscar Fingall O’Flahertie Wills Wilde.
Коментирај анонимно