Најтешката тиква на светот: Близнаци од Англија успеаја да одгледаат тиква тешка 1280 килограми

Нивната тиква, која со љубов ја нарекоа „Магл“ како омаж на серијалот за Хари Потер, го собори не само рекордот за најтешка тиква туку и за најголема тиква по обем со 6,48 метри.

Браќата ја превезоа тиквата на натпревар што се одржа близу Ридинг, на два часа возење од нивниот дом во Лимингтон. „Преместувањето гигантски тикви е прилично лесно бидејќи тоа го правиме со години. Имаме голем прстен за кревање“, изјавија тие за медиумите.

Мерењето на тиквата го изврши Себастијан Суски од Great Pumpkin Commonwealth , а консултант за гигантски овошки и зеленчук од Гинис исто така беше присутен да го потврди новиот рекордер.

„Бев изненаден кога овој рекорд дојде во Велика Британија“, изјави Суски за Гинис. „Ова беше голема вест за браќата кои одгледуваат тикви повеќе од 50 години, но и радост за сите британски одгледувачи на тикви. Иан и Стјуарт секогаш споделуваа совети за одгледување гигантски зеленчуци со мене, па затоа да ја потврдам нивната титула беше, лично за мене, посебно задоволство.“