Наместо класична реклама, Симон Трпчевски ги покани загрепчани на концерт со прекрасна македонска песна напишана токму во Загреб

Битола, мој роден крај — македонска обнародена песна, со текст и музика од Ајри Демировски. Песната била напишана во 1944 година во Загреб, а првпат била изведена во 1950 година на прослава во Битола.

Демировски ја напишал песната во 1944 година во Загреб каде го изучувал графичкиот занает и имал носталгија за Битола. Својата прва изведба песната ја доживеала на прослава пред Народниот театар во Битола каде ја испеал Ајри во придружба на оркестарот на Радио Битола.