Наместо список со желби оваа жена направила малку поинаков „зае*и список“ и вели „Сега имам целосна контрола“

41 годишната Леа Мари Мазур, експерт за односи од Њујорк, ја замени традиционалната bucket листа со fuck it листа (зае*и листа), за која вели дека ѝ го подобрила животот.

„Тоа се сите работи за кои треба да си кажете „зае*и завршив со ова“, рече Леа.

Таа ја споредува оваа листа со bucket листата во која луѓето ги проверуваат искуствата/целите што се надеваат дека ќе ги постигнат во текот на нивниот живот – како патувања, вработување и слично. Меѓутоа, во овој случај, овие резолуции се донекаде обратни со тоа што престанувате да правите одредени работи кои ве спречуваат да живеете среќен и исполнет живот.

„Морате да ја имате таа fuck it листа – што значи за да ги достигнете тие цели и да бидете личноста што сакате да бидете, треба да размислите за она што повеќе не треба да го толерирате. Од што треба да се ослободите? Кои верувања ве држат заглавени? Кои навики ве спречуваат?“.

Во согласност со тоа, девојката од Бафало рече дека „голема“ цел на нејзината „зае*и“ листа е да ги отфрли луѓето кои не ја почитуваат и не ги почитуваат нејзините граници.

„Мислам дека особено како жени, многу е поголема веројатноста да толерираме однесување кое негативно влијае на вашата благосостојба затоа што се чувствуваме обврзани или чувствуваме вина ако не го сториме тоа. Тоа беше нешто што морав да го научам на потешкиот начин и да кажам дека сакам само здрави врски во мојот живот од овој момент натаму“.

Други цели на „зае*и листата“ на Мазур вклучуваат да престане да се грижи за мислењата на другите луѓе и да престане да верува дека никогаш нема да ја најде вистинската љубов.

И додека жителката од Њујорк ги штиклирала повеќето ставки од списокот за преземање контрола на нејзиниот живот, таа вели дека постојано создава нови цели.