Наследник на штала оставена да скапува 50 години нашол вистинско богатство внатре, дури 7 класични автомобили

Автомобилите, меѓу кои и вистински колекционерски модели, вклучувајќи три Jaguar E-Types, AC Bristol спортски автомобили и раниот Land Rover I, ќе бидат на аукција од 19 до 20 август и би можеле да достигнат неверојатни 200.000 фунти заедно.

Пронајдени се во и околу трошна штала, не користени и оставени да гнијат околу половина век.

Бидејќи не биле заштитени од дождот, сега се во лоша состојба и на секој од седумте автомобили му треба многу работа – и пари – пред да можат безбедно да се вратат на патот.

Расипаните автомобили беа пронајдени наредени еден врз друг во помошна зграда во дворот.

Anglia Car Auctions, која ќе ја продаде колекцијата, соопшти дека биле потребни два дена внимателно да се отстранат автомобилите еден по еден од бараката со помош на вилушкар и багер.

Сите автомобили имаат сериозна потреба од реставрација, но сепак може да се продадат за вкупно 200.000 фунти.

Доколку биле чувани во гаража, аукциската куќа проценила дека потенцијално би вределе до 800.000 фунти.