Насмејте се и соблечете се! Стотици Лондончани се соблекоа по гаќи во метрото во знак на „Ден без панталони“ – Замислете го ова во ЈСП?

Возењето без панталони, кое започна во Њујорк пред 20 години, се врати во транспортниот систем на Лондон овој викенд за прв пат од пандемијата – со стотици соблечени. Патниците кои патуваа со лондонското метро делумно се соблекоа во знак на прослава на „Возење без панталони“ во метро.

Линијата Елизабет, која беше отворена минатата година, ги пречека првите патници без панталони, а стотици луѓе патуваа во долна облека за годишниот настан, кој започна во Њујорк пред две децении. Организиран од The ​​Stiff Upper Lip Society, на сликите можете да ги видите луѓето облечени професионално и канцелариски од половината на нагоре, со само долна облека, чевли и чорапи на другата половина од телото.

Необичната традиција беше создадена од Improv Everywhere, група за уметнички перформанси за комедија, во Њујорк во 2002 година.

„Мисијата започна како мала шега со седум момци и прерасна во меѓународна прослава на глупоста, при што десетици градови низ светот учествуваат секоја година“, се вели на веб-страницата на Improv Everywhere.

Фотографиите направени за време на привлечниот настан покажуваат луѓе кои лежерно се возат на метрото и ноншалантно ги соблекуваат панталоните со рамнодушност. „Штом вратите ќе се затворат на постојката пред вашата, станете и соблечете ги панталоните и ставете ги во ранецот“, велат од групата. „Ако некој ве праша зошто сте ги извадиле панталоните, кажете им дека ви е „непријатно“.

А ние не можеме а да не се прашуваме: Замислете го ова во ЈСП во Скопје?