Наставничка во средно училиште во Австралија која се идентификува како мачка, си ги лиже рацете на часовите и ржи на учениците

Родители изразиле загриженост поради наставничка во средно училиште во Квинсленд, која се идентификува како мачка, ржи на учениците и си ги лиже рацете за време на часовите.

Наставничката, која работи во „Marsden State High School“ во Логан Сити, јужно од Бризбејн, наводно побарала од учениците да ја ословуваат со „Мис Прр“, тврдат повеќе родители на социјалните мрежи.

Фотографии и кратки видеа, првично објавени од The Courier-Mail, ја прикажуваат наставничката како носи трака за глава со мачкини уши и ланче со натпис „прр“ додека предава на час.

„Таа… ги принудува децата да ја викаат Мис Прр и ржи или стенка ако не ја слушаат“, напиша еден родител на Фејсбук.

„Седи на час и си ги лиже рацете. Ова е апсолутно одвратно. Мора да се преземат мерки.“

Истата личност изјавила за The Courier-Mail дека е збунета од однесувањето на наставничката и очекува училиштето да има добиено бројни поплаки.

„И јас сакам одговори, бидејќи знам дека понекогаш децата може да бидат премногу драматични,“ рекла таа.

Во истиот Фејсбук пост, една мајка тврди дека наставничката ја натерала нејзината ќерка да „преде“ за да добие бонбонче.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!