Неверојатно! Научници преку ДНК од фосили вратија во живот изумрен вид на волк (ВИДЕО)

Научниците објавија прв успешен пример на „де-екстинкција“ – враќање на изумрен вид, овојпат со повторно создавање на застрашувачкиот „dire wolf“, вид волк што исчезнал пред околу 13.000 години. Генетската компанија Colossal Biosciences успеала да создаде три здрави младенчиња, именувани Ромул, Рем и Калиси, кои сега живеат во голем еколошки резерват во САД.

Компанијата извлекла ДНК од фосили – еден заб стар 13.000 години од Охајо и коска од внатрешното уво стара 72.000 години од Ајдахо. Со комбинација на оваа древна ДНК и генетски материјал од сив волк, нивниот најблизок жив роднина, научниците успеале да реконструираат цел геном. Потоа, со помош на напредни техники за уредување на гени, биле вметнати 15 карактеристични гени од изумрените волци во клетките на сивиот волк. По создавање на здрави ембриони, тие биле имплантирани во сурогат мајки и во октомври 2024 година се родија првите животни од овој вид по илјадници години.