Научниците дојдоа до шокантно откритие: Древните пирамиди биле џиновски ЕЛЕКТРАНИ?

Големата пирамида во Гиза можеби не била гробница на фараон, туку огромна електрана, открија научниците.

Истражувачите испратиле електромагнетни бранови во пирамидата и утврдиле дека енергијата се концентрира во одредени делови, како што се познатите комори на Кралот и Кралицата. Се смета дека ова светско чудо е дизајнирано и изградено на таков начин што намерно складира енергија.

Поранешниот воздухопловен инженер Кристофер Дан, во разговор со Џо Роган, накратко објасни како овој концепт би можел да функционира.

Тој рече: „Тоа е дел од теоријата за електраната во Гиза. Две хемикалии се воведуваат во комората, се мешаат и ослободуваат водород (што создава енергија). Не верувам дека постои дел од таа пирамида што нема практична функција.“

За да го поедностави објаснувањето, Дан истакна дека енергијата не може да се создаде или уништи – наместо тоа, таа се заробува и се користи, како што правиме денес со согорување на јаглен, соларни панели или ветерници. Тој верува дека токму тоа го правеле и Египќаните со пирамидата.

Теоријата тврди дека пирамидата не е изградена така случајно, бидејќи нејзината прецизност покажува дека Египќаните знаеле точно што прават. Замислете идните цивилизации да ги откријат нашите модерни нуклеарни централи – веднаш би било јасно дека тие се дизајнирани со одредена цел.

Но, ова откритие отвора нови прашања: каква енергија собирале, за што ја користеле, и – можеби најголемата мистерија – како воопшто знаеле како да го направат тоа?

Дан, кој 30 години спроведува компјутерски анализи на пирамидите, верува дека нивните градители имале пристап до исклучително прецизни алати, современи градежни техники и дури и масивни машини.

Сепак, досега не се пронајдени никакви докази за нивното постоење.