Не е лесно, но … 10 работи кои ќе ви помогнат кога се чувствувате осамени

Во изминатата година не ги гледавме семејството и пријателите онолку колку што сакавме. Пандемичниот стрес доведе до тензии во некои домаќинства и многу луѓе почнаа да се чувствуваат осамено и фрустрирано дури и во куќа полна со луѓе.

Осаменоста може емоционално да не исцрпи и да го направи животот мрачен и бесмислен. Исто така, може да доведе до физички симптоми како што се проблеми со спиењето, болка, ослабен имунолошки систем …

Сепак, дури и кога е невозможно да избегате од чувството на осаменост, постојат начини на кои можете да си помогнете. Ви претставуваме 10 од нив подолу.

1. Различно погледнете кон проблемот

Да се ​​размисли поразлично за тоа што значи да се биде сам понекогаш може да го олесни справувањето со чувството на осаменост.

Осаменоста се јавува кога ќе се изолирате и кога вашите потреби за социјална интеракција не се исполнети. Овие потреби се различни за секоја личност, така што осаменоста не им се случува на сите во исто време.

Во секој случај, на повеќето луѓе им се потребни блиски односи со други. Исто така, повеќето од нас сакаат да имаат време и за себе. Осаменоста создава можности за самооткривање, саморефлексија, креативност … Значи, следниот пат кога ќе се појави осаменост, обидете се да добиете некаква корист од тоа. Пуштете ја музиката што ја сакате, читајте или едноставно обидете се да размислете за вашите лични цели.

2. Слушајте музика на најгласно!

Звукот го прави просторот помалку празен, а музиката го подобрува расположението и мотивира. Дури и птиците што ги слушате низ прозорецот може да бидат корисни, како и звукот од омилената серија или филм.

3. Одржувајте контакт

Не е секогаш можно да поминувате време со пријателите и семејството, без оглед колку ви недостасуваат и колку сакате да ги видите. Сепак, можно е да се одржи контакт дури и кога не можете да ги видите во живо. Ако порано го поминувавте викендот со нив, сега надоместете преку видео повик.

4. Имајте квалитетни интеракции

Фактот дека се дружите со некого не мора да значи дека чувството на осаменост ќе исчезне. Квалитетот на интеракции е поважен од нивниот број. Затоа е важен начинот на кој го поминувате времето со другите. Вашите постапки направете ги значајни – споделете емоции, поставувајте прашања, слушајте што ви кажува другата личност, разговарајте за важни теми …

5. Излезете од дома

Излегувањето од домот е совршен начин да се потсетите дека не сте сами во светот, а престојот во природа ќе ви го подобри расположението.

6. Зборувајте за чувствата

Ако јасно зборувате за тоа како се чувствувате, можете да ја намалите моќта на тие чувства што прават да се чувствувате лошо. Ако кажете на некој близок дека се чувствувате осамено, може да добиете емоционална поддршка во тој момент.

7. Направете пауза од социјалн мрежи

Иако социјалните мрежи можат да бидат начин за поврзување со најблиските, тие исто така можат да го зголемат чувството на осаменост. Објави од други луѓе кои барем навидум се среќни и безгрижни можат да ве повредат.

Секако, секогаш имајте на ум дека целосната слика скоро никогаш не се прикажува на социјалните мрежи, но ако забележите дека објавите сè уште влијаат на вас, паузирајте ја употребата на социјалните медиуми.

8. Направете нешто што ве исполнува

Чувството на осаменост може да ве окупира до таа мера што ви е тешко да размислите за што било друго, вклучително и за работите во кои обично уживате.

Сепак, вашите омилени активности или хобија можат да ви помогнат. Правењето работи во кои уживате може да ви донесе внатрешен мир во бурни времиња.

9. Запомнете дека оваа состојба не е трајна

Иако во моментот можеби не ви изгледа така, осаменоста нема да трае вечно. Ако станете свесни за овој факт можете да почувствувате олеснување.

Чувството на осаменост ќе помине, без разлика дали е поврзано со пандемија или не. Потребно е само малку време и напор, но секогаш е можно да се зајакнат постојните врски или да се создадат нови.

10. Побарајте помош ако мислите дека е потребно

Совети како овие погоре можат да ни помогнат да се справиме со некој проблем што не мачи, но понекогаш едноставно не се доволни. Ако осаменоста прави да се чувствувате безнадежно, можеби ќе ви треба професионалец кој ќе ве поддржи и ќе ви помогне да ја поминете кризата.