„Не е ни чудо што луѓето повеќе не сакаат ЛАЖНО месо… тоа не е здраво, нема да ја спаси планетата и има вкус на изгорена храна за кучиња”, вели експертот за прехранбена индустрија Џоана Блитман

„Мирисот прв ме погоди: застарена, но и стерилна арома на фабричка обработка. Парчињата во боја изгледаа длабоко непривлечно – и додека ги пржев испуштаа уште почуден мирис.

Додека џвакав „супстанцата” воопшто не се распаѓаше како вистинско месо. Наместо тоа, ми остави ужасен вкус, како да сум излижала решетка за скара – или сум изгорела храна за кучиња. Едвај чекав да ги извадам сите траги од мојата кујна.
Како некој очекуваше „Beyond Burger” да го замени вистинското месо кога беше лансиран пред нешто повеќе од една деценија, е ничија претпоставка. Секако, се чини дека луѓето сè повеќе не сакаат да го пробаат овој чуден и непривлечен производ.
Оваа недела, неговите производители, „Beyond Meat”, објавија дека вкупната продажба опаднала за речиси една третина. Проценета на 10 милијарди долари веќе во 2019 година, компанијата сега вреди само мал дел од тоа, помалку дури и од 1 милијарда долари.
Продажбата на лажно месо генерално се намали  за 6 отсто минатата година, а според фирмата за истражување на пазарот „Mintel”, тој тренд се очекува да продолжи.
Очигледно, потрошувачите почнуваат размислуваат во однос на овие производи. Прашањето е зошто?

Додека некои купувачи изгледаат навидум среќни што ги поднесуваат нивните благи бои и вкус, она што сега не можат да го поднесат е цената.
Двете парчиња „Beyond Burger” ме чинат 4,5 евра во локалниот супермаркет, каде што едно пакување од четири говедски плескавици од сопствена марка чини 2 евра.
Ова е апсурдно кога се земаат предвид трошоците за одгледување и хранење крава во споредба со синтетичката алтернатива – конгломерација на протеини од грашок, боја, згуснувачи, компир скроб и стабилизатор метилцелулоза.

Луѓето некогаш беа спремни да платат повисоки цени за овој обработен производ, но ако сегашното стискање на нашите домашни буџети ни направи една услуга, тоа ќе биде да не ослободи од овие злосторства против месото.

„Beyond Meat”, основана во САД во 2009 година, ги лансираше своите производи три години подоцна, поттикнати од славни личности. Ким Кардашијан ги поддржа на „Инстаграм”, додека Леонардо ди Каприо и Бил Гејтс вложија големи суми. Основачот на „Мајкрософт”, наводно, вложил 50 милиони долари во нивниот ривал, „Impossible Foods”.