„Не сакам луѓе и затоа ќе се МОДИФИЦИРАМ, сѐ додека не изгледам како суштество од друга планета”

Опсесијата на Дени Енглерт е нешто надвор од овој свет – буквално.
24-годишното момче поминало осум години обидувајќи се да се „дехуманизира“.

Повеќе од 2.700 долари подоцна, Енглерт – кој исто така се нарекува „Посесија“ – е целосно покриен со тетоважи и пирсови. Екстремниот љубител на уметноста дури и ги модифицирал деловите од телото за да бидат погоблински, вклучувајќи трансдермални импланти наменети да личат на рогови и зашилени уши и заби.
„Не ми се допаѓаат луѓето и она што тие си го прават еден на друг и светот во кој живеат“, изјави германецот за „Џем прес”. „Сакам да се модифицирам додека не ме препознаат како нечовек“.
Енглерт го ставил својот прв пирсинг на 16 години и оттогаш се покрива со тетоважи, но голем дел од нив сѐ уште се недовршени поради „хаотичната природа“ на нивниот посакуван изглед.

Енглерт самиот ги извршува повеќето модификации – освен за имплантите – или бара помош од своите пријатели, што ефикасно му ги намалува трошоците.

Иако членовите на семејството, за кои Енглерт вели дека „не им се допаѓа толку многу“, му даваат поддршка, странците можат да бидат сурови, викајќи дека изгледаат како „ѓавол“.

„Еднаш имаше тројца момци кои нѐ нападнаа еден пријател и мене на враќање дома само затоа што изгледавме поинаку и јас го изгубив еден од моите рогови поради тоа“, велат тие.

„Еден од моите трансдермални импланти беше толку оштетен што дел од плочата излезе од мојата глава и морав да го извадам, но освен тоа бевме во ред“, вели тој.
Сепак, ваквите насилни расправии не го одвраќаат Енглерт од неговата идеја, кој рече дека тоа „само се надоврзува на списокот на причини за несакање на човечката раса“.

„Не ми е гајле што другите мислат и кажуваат за мојот изглед, бидејќи тоа го правам за себе“, вели Енглер, кој планира повторно да си вгради рогови.

„Навистина сум возбуден да видам каде ќе ме однесе овој проект и колку време ќе биде потребно за да го завршам“.