„Не се чувствував безбедно додека трчав сама ноќе – па сега се облекувам како маж и трчам“

Клер Викоф, 44 години, била уморна од тоа да се ограничува само на дневно трчање, па почнала да бара начини како да се чувствува посигурно ноќе.

Откако го видела својот сопруг како ужива во вечерното трчање, двајцата решиле Клер да проба да се облекува како маж.

Таа нарачала лажни мустаќи, тетоважи, перика и машка спортска облека и ја тестирала оваа идеја.

Клер вели дека кога е облечена како маж, никој не ѝ се приближува ниту добацива коментари на ист начин како порано.

Иако објавува хумористични видеа за ситуацијата, таа вели дека ова е првпат да се чувствува пријатно трчајќи сама ноќе.

„Овој експеримент целосно го промени мојот начин на трчање ноќе. Сакам да правам смешни видеа за да ја олеснам ситуацијата, но ова произлезе од вистински страв.“

Клер трча веќе две децении, но вели дека никогаш не се чувствувала безбедно да трча сама кога ќе се стемни.

„Трчам скоро 20 години, учествував на полумаратон во 2008 година и потоа го засакав како рекреативен спорт, но ова е првпат да се чувствувам пријатно трчајќи сама ноќе. Ми здодеа да слушам како мојот сопруг ужива во неговите вечерни трчања, па заедно ја смисливме оваа идеја и нарачавме лажни мустаќи, перика и ракави со тетоважи. Веднаш забележав дека никој не ми се приближува и не морам да се грижам за добацивања од мажи од нивните дворови. Се чувствував како суперхерој или како Марио кога ќе ја добие ѕвездата за непобедливост. Едноставно се чувствував побезбедно.“