Не треба секому да му се дозволи да биде родител! Мајка е обвинета за убиство на нејзината 16-месечна ќерка, откако го оставила малото дете само дома 10 дена за да оди на одмор и кога се вратила ја нашла мртва

Кристел Канделарио (31) од Охајо беше уапсена и обвинета за смртта на нејзината ќерка Џејлин на 18 јуни, додека таа наводно патувала во Детроит и Порторико, според изјавата.

Кога Кристел се вратила во својот дом во Кливленд на 16-ти јуни, видела дека нејзината ќерка не реагирала. Зборувајќи преку преведувач, Канделарио им признала на инспекторите дека го оставила своето бебе „дома, сосема само и без надзор“ и открила дека нејзината ќерка наводно била „екстремно дехидрирана“.

Властите тврдеа дека креветчето на нејзината ќерка било со „извалкани ќебиња и со урина и измет“.

Кога екипите на итната помош пристигнале на лице место, констатирале смрт на детето.

Нејасно е зошто Канделарио не побарала некој да ѝ помогне да се грижи за нејзиното дете додека таа патувала.

Канцеларијата на медицинскиот преглед на округот Кујахога соопшти дека „нема знаци на траума“, но откри дека детето било оставено само околу 10 дена и потоа починало, според соопштението на полицијата.

Соседите биле вознемирени кога ја слушнале веста. Многумина рекоа дека претходно се грижеле за малото дете и дека посакуваат Канделарио да побарала помош од нив.

„Џејлин навистина не го заслужи тоа што  ѝ  се случи. Многу ни недостига“. – велат тие.

Друг сосед се сеќава на детето како „секогаш среќно“. „Џејлин, таа беше среќно бебе, секогаш насмеано, секогаш љубопитна за работи. Таа беше прекрасно, прекрасно бебе“.

Еден познаник изјави за Кливленд дека ова не е прв пат Канделарио да ја остави својата ќерка сама дома.

„Постојано ѝ велиме да не ја остава сама, не само јас и мојата пријателка од другата страна на улицата, но таа секогаш ја остава сама“, рече лицето.

Канделарио моментално се наоѓа во затворот во округот Кујахога со обврзница од 1 милион долари. Не се знае дали има адвокат или дали се изјаснила. Нејзиното следно закажано рочиште е на 28 јуни.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!