Не знаеш дали изгледаш добро? Прашај го ChatGPT — ќе ти ја каже вистината, колку и да боли
Од своето појавување во 2022 година, ChatGPT им помага на корисниците во најразлични задачи — од пишување биографии и оброци, до креирање водичи за физичка трансформација.
Сега, луѓето го користат и како брутално искрен AI советник за убавина, според написот на Washington Post.
Некои бараат анализи на фотографии, други совети за шминка или козметички третмани. На социјалните мрежи се споделуваат снимки од разговори со ChatGPT во кои тој нуди совети — од фарба за коса до ботокс. Некои дури и трошат илјадници долари следејќи ги тие препораки.
Содржина:
Бот кој не лаже: „Како постара сестра што секогаш ја кажува вистината“
Микаела Ласиг, 39-годишна невеста, сакала да изгледа совршено за нејзиниот свадбен ден, но со буџет од само 2.500 долари. ChatGPT ѝ составил детален план за нега на кожа, вклучувајќи точна проценка колку единици ботокс најверојатно ќе ѝ препорача нејзиниот козметичар.
„Му реков, зборувај како постара сестра што ја кажува вистината затоа што те сака и сака најдобро за тебе, дури и ако боли,“ вели Хејли Ендрјус, 31-годишна корисничка.
Контроверзии: Колку навистина е објективен еден алгоритам?
Не сите се воодушевени од оваа нова употреба на вештачка интелигенција.
Критичарката за убавина Џесика ДеФино предупредува: „Ако се обидуваме да се оптимизираме како убави објекти, не можеме да се потпреме на мислењето на некој што не сака. Но, AI е објект — и затоа зборува како објект.“
Специјалисти за вештачка интелигенција укажуваат на уште една опасност — моделите како ChatGPT се тренирани врз содржини од интернет кои често содржат нереални и штетни стандарди за убавина, како на Reddit форуми или блогови.
„Ние всушност автоматизираме машки поглед на убавината,“ вели Емили Бендер, лингвист и експерт за AI.
Опасност од комерцијално влијание: Дали е ова препорачано од ChatGPT или од спонзор?
Се повеќе AI-платформи вметнуваат препораки за производи и шопинг линкови, што отвора прашања за комерцијален интерес. Експертите предупредуваат дека корисниците можат несвесно да бидат насочени кон производи поради реклами или партнерства.
Само затоа што е „ChatGPT одобрено“, не значи дека е одобрено од ФДА (американската управа за храна и лекови).
И покрај тоа, многумина не се грижат за потенцијалните ризици — важно им е што конечно некој им ја кажува вистината, без шминка и украсени зборови.
Коментирај анонимно