Небото во Индонезија стана мрачно поради ерупција на вулкан која крена облак од пепел 15.000 метри на небото

Најмалку едно лице загина, а десетици други се повредени по ерупцијата на вулканот на планината Семеру во Индонезија.

Ненадејната вулканска ерупција се случи околу 14:30 часот по локално време на 4 декември, на најгусто населениот остров Јава во Индонезија.

Неколку села околу вулканот биле прекриени со пепел, додека придружната бура со грмотевици ја раширила лавата и околу вулканот и формирала густа кал што уништила најмалку еден мост што поврзувал две главни села Пронојиво и Кандипуро.

Потврдено е дека едно лице го загубило животот како резултат на ерупцијата, а пријавени се и 41 повредени, според заменик-началникот на округот на Лумајанг.

Торикул Хак, началникот на областа Лумајанг, наводно изјавил дека неколку стотици луѓе се преселиле во привремени засолништа или ја напуштиле областа за да најдат сигурност на друго место, иако тој истакна дека штетата предизвикана од ерупцијата ги попречила напорите за евакуација.

Кембел Бигс, метеоролог во Советодавниот центар за вулканска пепел во Дарвин, Австралија, изјави дека облакот од пепел од 15.000 метри е „прилично значително зголемување на интензитетот“, бидејќи за Семеру е познато дека редовно исфрла пепел до околу 4.300 метри.

Бигс забележа дека облакот од пепел е поголем од висината на која летаат повеќето авиони, што значи дека многу летови ќе мора да ги пренасочат своите патишта за да ја избегнат.

Семеру, кој е највисокиот вулкан на Јава, последен пат еруптираше во јануари, иако немаше извештаи за жртви во тој настан.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!