Негативните коментари на интернет ѝ помогнаа на актерката Ејми Шумер да открие сериозен здравствен проблем
Ејми Шумер откри дека негативните коментари на интернет всушност ѝ помогнале да дознае дека има сериозен здравствен проблем. Во интервју со Алекс Купер, таа изјави дека луѓето почнале да ѝ забележуваат на изгледот, особено на лицето.
„Интернетот навистина ме нападна пред една година,“ рече таа, додавајќи дека првично не ѝ било грижа. Но кога доктори почнале да коментираат дека нешто навистина не е во ред, решила да се прегледа. Така дознала дека има Кушингов синдром — состојба при која телото произведува премногу кортизол, што води до симптоми како дебелеење, акни и подуено лице („moon face“).
Причина за состојбата
Состојбата се појавила поради стероидни инјекции кои ги примала за лузните од операција на гради и царски рез по раѓањето на нејзиниот син Џин во 2019 година.
Таа дознала за дијагнозата токму пред снимањето на филмот „Kinda Pregnant“ на Netflix. За среќа, состојбата се повлекла сама по себе.
Шумер признава дека без онлајн-критиките, можеби никогаш не би открила дека има здравствен проблем.
Коментирај анонимно