Некогаш лото не е среќа: Фатил 32 милиони евра на лото и решил прво да си ги поправи забите, но на крајот починал среде стоматолошката операција

Антонио Лопес Сикеира, 73 години, добил 26,5 милиони фунти (32 милиони евра) на најголемата лотарија во Бразил – Мега Сена. Откако ја освоил наградата во ноември, Антонио одлучил дел од парите да ги потроши на стоматолошки зафати за нови заби. Но, за жал, починал за време на операцијата.

\

Инцидентот се случил во среда, на 4 декември, во клиника каде што добивал дентални импланти. Засега не е утврдено дали смртта е резултат на природна причина или има сомнителни околности, но полицијата го истражува случајот.

Кога пристигнале медицинските лица, Антонио веќе имал срцев удар и лежел на грб. Бил пренесен во болница, но лекарите не успеале да го реанимираат. Познато е дека Антонио имал хипертензија и дијабетес, што можеби придонело за неговата смрт.

Антонио бил сточар кој купувал и продавал добиток во Мато Гросо, западно од Бразил, и татко на четири деца. Освојувањето на лотаријата било голем настан за него, но за жал, имал само еден месец за да ужива во своето богатство.

Почнал со стоматолошки третмани, но не бил сигурен како ќе ги потроши останатите пари. Извор близок до неговото семејство изјавил: „Сè уште размислуваше што ќе прави. Немаше време да ужива во своето богатство“.

Лотарискиот билет го платил само 66 пени, а сопственикот на продавницата каде што го купил рекол дека Антонио бил редовен купувач кој често се шегувал дека ќе го освои џекпотот.

Во моментот на неговата смрт, Антонио бил на стоматолошки третман една недела, пренесува NeedToKnow. Стоматологот и клиниката сега се под истрага.

Шефот на полицијата, Едисон Пик, изјавил за локалните медиуми: „Ако се работи за ненадејна болест, клиниката не е виновна. Треба да почекаме на обдукцијата и извештајот за да се разјасни што точно се случило.“

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!