Несекојдневен рецепт за колач со „Газоза“ што се прави лесно и сите ќе го обожуваат!
Сакате нешто слатко, но несекојдневно? Сигурни сме дека сите во домот ќе го сакаат овој колач, па веројатно секој викенд ќе треба да го вметнете на менито. Се прави со еден омилените пијалоци на нашето детство, а секој што пробал „Газоза“ знае за каков уникатен вкус се работи.
Начин на подготовка
Во подлабок сад сипете 600 мл газоза, 1 ванила и 450 гр шеќер. Промешувајте за да се истопи шеќерот.
Кога ќе се истопи шеќерот додадете 220 мл масло. Додадете на крај 600 гр брашно и 1 пециво. Измешајте убаво со жица или со миксер за да нема грутчиња.
Смесата поделете ја на 2 дела. Во едниот додадете 100 гр мелени ореви и 1 лажичка какао, а во другиот 100 гр кокос.
Печето во тава со димензии од околу 22 х 38 цм, подмачкана со масло и брашно во загреана печка на 200 степени.
Прво сипете го тестото со мелени ореви и печете околу 10 минути да фати кора.
Извадете го тестото и премачкајте со мармалад и одозгора сипете го тестото со кокос. Вратете во печката уште 10 минути. Намалете на 175 степени и печете уште 10 минути.
Намалете на 150 степени и печете уште 10 минути. Пробајте со чепкалка.
Оставете го тестото да се излади.
Прелив: на ниска температура истопете 100 гр посно црно чоколадо, 3 лажици шеќер во прав, 3 лажици масло и 3 лажици вода.
Прелијте го колачот и кога ќе се излади сечете штангли.
Коментирај анонимно