Неверојатната приказна за единствениот човек што успеал да се прикраде во Областа 51 – и излегол жив за да ни каже што видел

Содржина:

• „Не барав вонземјани – ги најдов случајно“
• Сина светлина, врата во воздухот и вибрации како земјотрес
• Што е S-4 и зошто сите зборуваат за него?
• Дали 2025 ќе ни ги донесе одговорите?

„Не барав вонземјани – ги најдов случајно“

Џери Фримен не бил ловец на НЛО. Како антрополог, тој се обидел да ја следи трагата на група златокопачи од 19. век кои трагично загинале обидувајќи се да најдат пократок пат до Калифорнија. Но нивната патека минувала токму низ забранетите воени терени на американската авијација – во срцето на Област 51.
Одбиен од воздухопловните власти, Фримен решил да ја премине областа илегално – пеш, ноќе, без дозвола.

Сина светлина, врата во воздухот и вибрации како земјотрес

Една ноќ, близу сувото езеро Папуз, тој забележал нешто за кое ќе зборува до крајот на животот: во средината на езерото, наеднаш се појавила „врата во воздухот“, која зрачела со силна сино-бела светлина, а потоа исчезнала без трага.
„Изгледаше како обично суво езеро, но ноќе сè се менуваше“, изјави Фримен. „Гледав светилки по периметарот, но и светла кои се отвораа и затвораа на средината. Чувствував вибрации како земјотрес.“

Што е S-4 и зошто сите зборуваат за него?

Местото каде што Фримен ја забележал мистериозната светлина – Папуз лејк – е истото што во 1989 го спомена Боб Лазар, човекот кој тврдеше дека работел за тајна владина лабораторија наречена S-4. Според Лазар, таму се вршеле експерименти со вонземјански летала и технологии.
Област 51 официјално не беше признаена од владата сè до 2013 година, но во ’90-тите, интересот за неа експлодираше – особено поради изјавите на Лазар, кој детално зборуваше за „обратен инженеринг“ на НЛО летала.

Дали 2025 ќе ни ги донесе одговорите?

Информациите за тајните проекти на Областа 51 се уште се под државна тајна, но можеби не уште долго. Новиот датум кој кружи меѓу истражувачите на теориите на заговор е 2025 – кога според еден извор, ќе истечат 25 години од класифицирањето на одредени документи поврзани со базата.

Новоформирана работна група во американскиот Конгрес, предводена од пратеничката Ана Паулина Луна, доби задача да почне со декласификација на владини тајни – вклучувајќи и оние поврзани со НЛО активности.
А што точно видел Џери Фримен онаа ноќ во пустината? Никој не знае со сигурност. Но ако има вистина во неговата приказна – можеби таа ќе излезе на виделина токму оваа година.