Неверојатно откритие на Марс: Роверот „Кјуриосити“ откри камен што изгледа како корал – Дали Марс некогаш бил полн со живот?

Роверот „Кјуриосити“ работи во кратерот Џезеро и таму фати неколку фотографии од необичниот камен. Според НАСА, ваквите минерални формирања се создадени пред милијарди години, кога на Марс имало течна вода. Минералите се растворале во водата, продирале низ пукнатини во карпите, а по испарувањето останувале во вид на затврдени наслаги.

Вакви скулптури се создаваат кога вода и ветер ги обликуваат карпите – исто како што се случува на Земјата. Во минатото, на Марс имало долини, реки и езера, а денес е студена и сува пустина. Сега водата на Марс постои само како мраз на и под површината.

Сѐ уште не се знае каде исчезнала водата од Марс. Една научна хипотеза вели дека поради слабата гравитација и разредената атмосфера, водата полека испарила во вселената. Друга претпоставува дека водата се заробила под површината на планетата, што го потврдуваат и последните наоди на НАСА – можеби под кората на Марс сѐ уште постојат океани од течна вода.