„Ние сме најстариот истетовиран пар во светот, нашите тела се 98% покриени со тетоважи и воопшто не жалиме, баш сме „кул“

Запознајте ја двојката која четири пати по ред беше крунисана за најистетовираниот пар во светот.

Шарлот Гутенберг (76) и Чарлс Хелмке (81) од Флорида, поминале заедно 2.000 часа на столот за тетоважи.

Двојката, која се запознале во салон за тетоважи во 2006 година и на крајот се здружиле откако чувствата процветале го држат Гинисовиот рекорд веќе со години.
Шарлот, која почнала да се тетовира дури на 57-годишна возраст, изјавила дека ја достигнала својата граница откако покрила 98,75 отсто од своето тело со мастило и дека повеќе нема да се тетовира.

Чарлс, кој го нарекува „Чак“, има уште многу да изоди, со 97,5 отсто од телото покриено во тетоваж.
„Себеси се сметам за пешачка уметничка галерија. Некои луѓе купуваат уметност и ја закачуваат на ѕидовите – ја имам на моето тело“, изјавила Шарлот.

„Младите ми велат дека сум кул и колку сакаат нивните баби да бидат такви“, додаде таа.

Шарлот ја направила својата прва тетоважа на 57 години во ноември 2006 година како роденденски подарок по смртта на нејзиниот втор сопруг, кој ѝ забранил да прави што и да посака.

Тогаш го запознала Чак, кој и понудил да ја држи за рака додека се тетовирала, а почнале да излегуваат една година подоцна. Наскоро таа додаваше се повеќе тетоважи на кожата, држејќи посебен Гинисов рекорд за најмногу тетоважи со пердуви на една личност- 216. Само нејзината глава и прстите останале без тетоважи, но Шарлот нагласи дека нејзините тетоважи не го дефинираат нејзиниот живот или која е таа.

Во меѓувреме, Чак ја направи својата прва тетоважа кога бил многу помлад, на 18-годишна возраст во 1959 година за време на неговата основна обука со американската армија. Потоа направил уште две тетоважи истиот ден кога ја направил првата, а потоа Чак чекал 41 година пред повторно да се истетовира.
Тој ги покрил лузните од изгореници од трет степен на рацете со ракави и никогаш не погледнал назад.

Поранешниот инструктор за самоодбрана, исто така, има посебна титула за најмногу истетовирани черепи на едно лице- 376.

Запрашани од „Independent“ во 2017 година, зошто избрале да имаат толку многу тетоважи, тие рекле: „Затоа што можеме. Не постои ограничување на износот кој секој може да го има, тоа е ограничено само од вашата сопствена желба. Тоа зависи од поединецот. И двајцата имаме тела кои се ориентални и духовни во темата, иако се многу различни. Нашите тетоважи ја раскажуваат приказната што сакаме да ја кажеме. Се чини дека и двајцата имаме многу да кажеме“.

И двајцата имаат омилена тетоважа. Чак рече дека неговата омилена е тетоважата што ја направил во спомен на неговата почината сопруга, додека Шарлот рече дека првата тетоважа што некогаш ја направила била нејзината најценета тетоважа.

На парот не им е туѓо зјапањето и добивањето негативно внимание поради нивниот изглед. Сепак, тие не ги сфаќаат лично забелешките, велејќи дека ако на луѓето не им се допаѓаат нивните тетоважи, не мора да ги гледаат.