Никој не бил јавно изневерен повеќе од еднаш од оваа жена, а сега конечно ја прекина тишината и објасни како успеала да прости

Вејн и Колин Руни се заедно 20 години, а таа сега во документарен филм проговори како решила да му прости за сите вонбрачни афери. Сопругата на фудбалерот Вејн Руни, 35-годишната Колин, во новиот документарен филм за неговиот живот раскажа се за неговите зависности, како и за аферите со разни жени.

„Немаше да стојам тука сега да не му простив“, рече Колин за неговите афери. Вејн инаку е познат по бројните вонбрачни афери, а редовно поцрвенуваше пред новинарите затоа што го фатија како изневерува.

Во документарецот Колин се осврна на нивната 20-годишна врска и 14 години брак. Вејн искрено раскажа како веднаш знаел дека оди до олтарот со неговата денешна сопруга. „Мислам дека имав 11 или 12 години кога решив дека сакам да се оженам со Колин. Веднаш ѝ кажав. И кажав дека кога ќе пораснеме, сакам да бидам со неа пред олтарот и да имам деца со неа, ме гледаше како да сум луд“, коментираше фудбалерот.

„Тој е вистински шармер, така ме освои. Колку се приближувавме, толку повеќе се уверуваше дека тоа навистина е тоа“, коментира таа. Врската ја започнале како 16-годишни тинејџери.

Веќе на почетокот на врската, фудбалерот ја изневерувал сегашната сопруга со проститутки, а неговиот прв скандал со прељуба протече во јавноста пред да се венчаат, во 2004 година. Фудбалерот од почетокот ги негираше претходните скандали, но на крајот сепак ги призна.

Вејн и Колин се венчаа во 2008 година во Портофино, а во документарецот се потсети како реагирала на првите измами. „Тогаш бевме уште многу млади и многу се каравме. Знаев со кого се дружи и знаев дека тоа не е добро за него. Не сакав да му кажам ништо до одреден момент. “, коментира таа. Таа додала дека алкохолот е главниот виновник за неговото однесување, а тоа и самиот го признал.

„Се што се случи е вистина. Тоа не значи дека не ја сакам Колин, само донесов погрешни одлуки“, прокоментира фудбалерот. Колин имала голема поддршка од нејзиното семејство во тешките моменти и вели дека ги надминале сите негови афери и зависности.

„Поминав низ сѐ со него. Не беше лесно, но му простив. Мислам дека е неверојатно каде сме денес после сето ова. Двајцата сме среќни затоа што сме силни луѓе и разговаравме за се. Сè уште зборуваме многу за тоа денес“, заклучи таа.