Никој не сака емоционално незрел маж – еве како да го препознаете, според експерт за врски
Терминот „емоционално незреан маж“ се однесува на мажи кои, иако се возрасни, сè уште се однесуваат детинесто – избегнуваат одговорност, не знаат да се справат со чувства, и не се способни да бидат стабилни партнери.
Според д-р Мариса Т. Коен, експерт за врски од Hily, постојат неколку сигнали што треба да ги имате на ум – особено ако сакате да избегнете врска со ваков тип или се прашувате дали веќе сте во една таква.
Како да препознаете незреан маж? Ова се црвените знамиња
Како се справува со проблеми и стрес?
Еден од клучните показатели за зрелост е начинот на кој личноста се справува со конфликти. „Дали има здрави механизми за справување? Или само импровизира и избегнува?“ вели Коен. Тоа ќе ви открие колку е самосвесен, дали останува присебен кога наидуваат тешкотии и дали има способност да расте преку искуства.
Дали работел на себе? Одел ли на терапија?
Поставувајќи му прашања за личен развој, ќе дознаете дали мажот навистина инвестирал во својата емоционална зрелост. Ако избегнува вакви теми или ги омаловажува, тоа е знак за незрелост и незаинтересираност за вистинска поврзаност.
Што го прави горд?
Прашањето „На што си најмногу горд?“ е одличен начин да го запознаете човекот под површината. Ќе откриете дали има цели, какви вредности негува и како се справува со предизвици.
Што научил од поранешни врски?
Наместо класичните прашања за бивши, прашајте го што научил од претходните односи. Тоа ќе ви покаже дали рефлектира, расте и учи од искуствата – или пак ја обвинува другата страна без самокритичност.
Пасивно-агресивни коментари се аларм
На пример, ако во својот профил напишал: „Висок сум 180 – бидејќи изгледа тоа е најважно“, тоа е знак за огорченост и генерализација кон жените, предупредуваат експертите. Таквото однесување укажува на емоционална несигурност и незрелост.
Коментирај анонимно