Никол Кидман ги предизвика критичарите: Смел избор на облека на црвениот тепих во нејзиниот најтежок период од животот

Никол Кидман минува низ тежок период по загубата на мајка си, но продолжува да покажува цврстина и посветеност на својата работа. И покрај тагата, таа присуствува на настани поврзани со своите филмови, но нејзината последна појава на црвениот тепих предизвика контроверзии поради смелиот избор на облека.

Пред неколку дена, ѕвездата на „Мулен Руж” се појави на Четвртата годишна гала на Академскиот музеј, облечена во елегантен долг црн фустан со отворен грб, дополнет со долги црни ракавици.

По само неколку дена од погребот на нејзината мајка Жанел во Австралија, таа се појави и на премиерата на втората сезона на серијата „Special Ops: Lioness“, каде привлече внимание со смел избор на облека – топ без градник со отворен грб и жолто здолниште со плисирани детали. Никол го заврши изгледот со светкави обетки и прстени, бели чевли и елегантен полусобран стил на косата, заедно со нежна шминка.

Иако Никол изгледаше впечатливо, облеката наиде на критики од дел од јавноста, кои ја нарекоа премногу откривачка. Некои коментари ја критикуваа облеката како премногу смела, а други ја повикаа да ја прифати својата возраст на посмирен начин.