Нов светски рекорд: Индиски тинејџер успеа ментално да собере 100 четирицифрени броеви за само 30,9 секунди

14-годишен ученик од Индија влезе во Гинисовата книга на рекорди благодарение на неговата неверојатна способност за брзо собирање повеќецифрени броеви. Вундеркиндот користи техника на ментална математика, при што си замислува абакус – древна сметачка табла, која ја „поместува“ во умот за да го добие точниот резултат.

Неговото достигнување е импресивно: успеа да собере 100 четирицифрени броеви за 30.9 секунди! Со тоа го собори претходниот рекорд. Покрај тоа, за само 1 минута и 9 секунди пресмета збир од 200 четирицифрени броеви.

Овој талентиран млад математичар веќе има поставено неколку светски рекорди во пресметување, вклучувајќи собирање и множење на големи броеви. Поради неговите извонредни математички способности, често го нарекуваат „човечки калкулатор“.

Техниката на ментално пресметување што ја користи е заснована на визуелизација на абакусот. Овој древен инструмент се користел за аритметички операции многу пред модерните калкулатори.

Овој метод бара исклучителна концентрација и континуирана вежба, бидејќи човек мора да го задржи во умот изгледот на абакусот и истовремено да „ракува“ со него за да дојде до точниот резултат. Многу експерти сметаат дека оваа техника го развива памтењето, вниманието и логичкото размислување.