Нови истражувања: Лукот може да биде тајно оружје за намалување на шеќерот и холестеролот

Без разлика дали е свежо исецкан или термички обработен со некое јадење, се покажа дека редовното додавање малку лук во вашата исхрана ги одржува под контрола и шеќерот и холестеролот во крвта.

Мета-анализата на 22 претходни студии кои вклучија 29 рандомизирани, контролирани испитувања спроведени од истражувачи од Југоисточниот универзитет и Универзитетот Ксизанг Минзу во Кина, потврдува дека потрошувачката на лук е поврзана со пониски нивоа на гликоза и некои видови на молекули на маснотии.

Гликозата и липидите се клучни хранливи материи за телото, обезбедувајќи енергија и основа на широк спектар на градежни блокови. Современите диети често може да доведат до премногу од „добрите работи“, зголемувајќи го ризикот од здравствени проблеми. Голем број други избори на начин на живот, од консумирање алкохол до рутини за вежбање, исто така може да имаат влијание врз нивото на шеќер и маснотии во телото.

„Кај здрави индивидуи, метаболизмот на гликозата и липидите е прецизно регулиран“, пишуваат истражувачите во нивниот објавен труд.

„Нарушувањата на метаболизмот на гликозата и липидите може да доведат до бројни хронични болести, вклучувајќи атеросклероза, дијабетес и заболување на замастен црн дроб“.

Земајќи го истражувањето како целина, тимот потврди дека влијанијата остануваат позитивни. Оние кои вклучиле лук во нивната исхрана, покажале дека имаат пониски нивоа на гликоза во крвта, индикатори за подобра долгорочна контрола на гликозата, повеќе таканаречен „добар“ холестерол во форма на липопротеини со висока густина (HDL), помалку т.н. холестерол или липопротеини со ниска густина (LDL) и го намалува холестеролот во целина.

Интересно, се чинело дека нивото на триглицеридите не е засегнато.

Податоците не се доволно сеопфатни за да се докаже директната причина и последица – дека можеме само да џвакаме повеќе лук за директно да го намалиме ризикот од срцеви заболувања – но асоцијацијата силно сугерира дека вообичаената билка може да биде вкусен начин за управување со нивото на гликоза и липиди.

Повеќе истражувања и повеќе фокусирани студии може да помогнат да се разјасни што точно се случува овде. Испитувањата опфатени со мета-анализата се движеа во должина од три недели до една година и вклучуваа студии со неколку различни форми на лук: суров лук, екстракт од лук и таблети од лук во прав.

„Резултатите покажаа дека лукот има корисен ефект врз гликозата во крвта и липидите во крвта кај луѓето, а нивната поврзаност беше статистички значајна“, пишуваат истражувачите.

Што се однесува до тоа зошто постои оваа асоцијација, се смета дека различните активни состојки во лукот помагаат на различни начини, вклучително и со намалување на оксидативниот стрес – вид на абење на клетките што може да доведе до проблеми како што се кардиоваскуларни болести.

Лукот исто така има антиоксидантно соединение наречено алиин, кое претходно беше поврзано со управувањето со гликозата во крвта, липидите во крвта и цревниот микробиом. Веројатно е дека комбинацијата на ефекти ги предизвикува резултатите прикажани овде.