Од нула до милиони: Неверојатни приказни за луѓе кои заработиле богатство со криптовалути!
Криптовалутите отворија сосема нов свет на можности, па многумина кои навреме инвестирале станале милионери – некои дури и милијардери. Иако точниот број на крипто милионери е тешко да се утврди поради анонимноста на паричниците, неколку имиња се издвојуваат поради нивното отворено учество и влијание врз пазарот.
Во продолжение ви претставуваме петмина од најпознатите крипто милионери и приказните зад нивното неверојатно богатство.
Тим Дрејпер
Тим е дел од една од најстарите инвестициски династии во Силиконската долина. Својата кариера ја започнал во 1985 година како ко-основач на фирмата за ризичен капитал „Draper Fisher Jurvetson“, која инвестирала во бројни стартапи – меѓу нив и во Tesla.
Во 2014 година, Дрејпер купил 29.656 биткоини на аукција од американските власти, по цена од 632 долари за еден BTC. Вкупната инвестиција изнесувала 18,7 милиони долари, а денес тој крипто-портфолио вреди повеќе од 1 милијарда долари.
Мајк Новограц
Мајк ја започнал својата инвестициска кариера со неуспешни вложувања, но не се откажал. Во 2013 година ја основал компанијата „Galaxy Investment Partners“, која се фокусира на криптовалути и блокчејн технологии.
Тој вложил 7 милиони долари во Биткоин во раните фази и од тогаш постојано го зголемува својот удел. Денес, вредноста на неговиот криптовалутен капитал се проценува на околу 478 милиони долари.
Макс Кајзер
Поранешен берзански брокер од Њујорк, Макс е гласен критичар на традиционалниот финансиски систем. Во 2011 година дознал за Биткоин и веднаш го прифатил како „дигитално злато“.
Тој почнал агресивно да купува BTC кога вредел само 1 долар. Во 2013 година изјавил дека веќе е милионер во Биткоин, а денес неговото лично богатство се проценува на околу 1 милијарда долари.
Метју Розак
Метју бил еден од првите што учествувал во јавни понуди на криптовалути и активно инвестира во блокчејн проекти од 2012 година. Познат е и по тоа што им подарал биткоини на личности како Бил Клинтон и Ричард Бренсон.
Неговите крипто средства се проценуваат на 1,2 милијарди долари. Денес, тој е на чело на стартапот Bloq, кој нуди консултации и технолошки решенија за дигитални средства.
Мајкл Сејлор
Извршен директор на MicroStrategy, софтверска компанија позната по својата агресивна стратегија за купување биткоини. На крајот на 2021 година, компанијата поседувала 114.000 BTC со вкупна вредност од 3,16 милијарди долари.
Сејлор поседува околу 17.000 биткоини лично и е силен поборник за долгорочно чување на криптовалути. Тој верува дека Биткоин е „најдобриот начин да се зачува вредноста на капиталот“.
Коментирај анонимно